Суббота, 23 Мая 2026

Уфа

+27 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

11:39 (UTC+5), 27 Июня 2018

Башҡортостанда мәғрифәтсе Зәйнулла Рәсүлевҡа арналған программа булырға тейеш – ғилми конференцияны ойоштороусылар

Олег Яровиков

IMPORT Сервисный

ӨФӨ, 2018 йыл, 27 июнь. /«Башинформ» мәғлүмәт агентлығы, Ләйлә Аралбаева/.Башҡорт мәғрифәтсеһе Зәйнулла Рәсүлевҡа арналған дәүләт программаһын ҡабул итергә кәрәк.

Уның тыуыуына 185 йыл тулыуға бағышланған «Рәсәйҙәге традицион Ислам һәм билдәле башҡорт ғалимы, дин белгесе, мосолман донъяһының мәғрифәтсеһе шәйех Зәйнулла Рәсүлев» халыҡ-ара ғилми конференцияһын ойоштороусылар ошо турала белдерҙе.

Башҡортостанда һәм Силәбе өлкәһендә Зәйнулла Рәсүлевҡа арналған саралар уҙғарыла. Бөгөн «Башинформ» агентлығындағы матбуғат конференцияһында ойоштороусылар әлеге сара хаҡында һөйләне.

5 июлдә Өфөләге Конгресс-холда конференцияның пленар ултырышы асыла.

«Зәйнулла Рәсүлев XIX быуат аҙағында — XX быуат башында мосолман мәҙәниәтен үҫтереүгә тос өлөш индергән. Ул Рәсәйҙең күп кенә төбәктәре һәм Бойондороҡһоҙ Дәүләттәр Берләшмәһенең хәҙерге киңлеге мосолмандарына йоғонто яһаған оло ғалим булған. Уның мәҙрәсәһендә башҡорт, ҡаҙаҡ, татар интеллигенцияһы вәкилдәре уҡыған. Ул китаптар сығарған, уның рухи мираҫы әле лә көнүҙәк булып тора һәм күп илдәрҙең ғалимдары тарафынан өйрәнелә», — ти Рәсәй Фәндәр академияһы Өфө федераль тикшеренеү үҙәгенең Тарих, тел һәм әҙәбиәт институтындағы көнсығыш ҡулъяҙмалары бүлеге мөдире Әхәт Сәлихов.

Зәйнулла Рәсүлев кеүек ошондай күренекле тарихи шәхескә арналған конференцияны үткәреү республика өсөн социаль әһәмиәтле ваҡиға булып тора, тип билдәләне Башҡортостан мосолмандары Диниә назаратының йәштәр бүлеге етәксеһе Тимур Вәлитов.

«Зәйнулла Рәсүлев үҙенең йома намаҙына ете мең самаһы кеше йыйған. Был конференцияла беҙ уның дини-реформаторлыҡ фекерен билдәләргә тырышырбыҙ. Ул дини һәм донъяуи фәндәрҙе бергә ҡушып, яңы алым индергән. Был уның киң фекер йөрөткән быуын тәрбиәләү теләген күрһәтә. Уҡытыусы үҙенең уҡыусыларында йәшәй, әгәр беҙ уның уҡыусыларына, мәҫәлән, Әхмәт-Зәки Вәлидигә ҡараһаҡ, уның төп маҡсаты кешеләрҙе профессиональ фекер йөрөтөргә өйрәтеү икәнен күрербеҙ», — ти Тимур Вәлитов.

Конференция барышында Рәсәй мосолмандары тарихының көнүҙәк проблемаларын, Зәйнулла Рәсүлевтың Рәсәйҙә традицион исламды һәм суфыйсылыҡты үҫтереүҙәге ролен тикшереү күҙаллана.

Фәнни форум «Рәсәйҙә традицион ислам һәм Зәйнулла Рәсүлевтың уны үҫтереүгә индергән өлөшө», «Донъя диндәре һәм мәҙәниәттәренең тарихи контексында ислам һәм суфыйсылыҡ», «Динде өйрәнеүҙә яңы сығанаҡтар һәм яңы алымдар» секциялары буйынса уҙа.

Бөгөн Зәйнулла Рәсүлевтың әҫәрҙәрен инвентаризациялау зарур, тип һыҙыҡ өҫтөнә алды Рәсәй Фәндәр академияһы Өфө федераль тикшеренеү үҙәгенең Тарих, тел һәм әҙәбиәт институтындағы Башҡортостан мәҙәниәте тарихы һәм тарих бүлеге мөдире Марсиль Фархшатов.

Конференция эшендә ошо теманы тикшереү менән шөғөлләнгән билдәле Рәсәй һәм сит ил ғалимдарының ҡатнашыуы көтөлә. Төркиәнән, Польшанан, Үзбәкстандан, Рәсәй ҡалаларынан ғалимдар килергә тейеш. Конференция йомғаҡтары буйынса йыйынтыҡҡа Азербайжан, Ҡаҙағстан, Япония, Германия вәкилдәренең докладтарын индереү ҡаралған.

6 июлдә Силәбе өлкәһенең Троицк ҡалаһында тантаналы саралар уҙғарыла.

7 июлдә Учалы ҡалаһында тантаналар ойоштороу, Зәйнулла Рәсүлевтың тыуған төйәгенә һәм изге Әүештауға барыу күҙаллана.

Ойоштороусылар — Рәсәй Фәндәр академияһы Өфө федераль тикшеренеү үҙәгенең Тарих, тел һәм әҙәбиәт институты, Башҡортостан Республикаһы Хөкүмәте ҡарамағындағы дин эштәре буйынса совет, Рәсәй мосолмандарының Үҙәк диниә назараты, Башҡортостан мосолмандарының Диниә назараты, Бөтә донъя башҡорттары ҡоролтайы, Халыҡ-ара ислам бизнесы ассоциацияһы.

1 из 7

http://www.bashinform.ru/news/1179207-imya-zaynully-rasuleva-dolzhno-byt-vklyucheno-v-spisok-100-imen-bashkortostana-organizatory-nauchnoy/

#ислам #суфыйсылыҡ #зәйнулла рәсүлев #фән

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.