Сыуашстанда Салауат Юлаев ташы Батырҙар ташы аллеяһында тәүге таш булды

ӨФӨ, 2018 йыл, 20 июнь. /«Башинформ» мәғлүмәт агентлығы, Ләйлә Аралбаева/. Сыуашстанда Салауат Юлаев ташы Батырҙар ташы аллеяһында тәүге таш булды.

Ул Сыуашстандың Чебоксар районының М. Сундырь ауылында сувар-болғар-сыуаш этнография үҙәгендә урынлашҡан. Был хаҡта «Башинформ» агентлығына «Салауат юлдары буйлап» киноэкспедицияһында ҡатнашыусылар хәбәр итте.

Фильмдың сценарий авторы Зөһрә Бураҡаева һөйләүенсә, Сыуашстанда билдәле тыуған яҡты өйрәнеүсе һәм йәмәғәт эшмәкәре Сергей Сорокин делегацияны күптән түгел асылған Этнография үҙәгенә алып килде. Уны ойоштороусы ла, инвестор ҙа ул үҙе. Бында ул Батырҙар ташы аллеяһын асыу хаҡында уй-ниәттәре менән бүлеште.

Һөйләшеү барышында киноэскпедиция Эстониянан ҡайтҡан саҡта үҙәктә башҡорттарҙың милли геройы хөрмәтенә тәүге таш һалыу тураһында килешелде. Вәғәҙә үтәлде. Экспедицияла ҡатнашыусыларҙы Сыуашстан Тыуған яҡты өйрәнеүселәр союзы рәйесе, танылған йәмәғәт эшмәкәре Виктор Станъялов һәм Сергей Сорокин үҙе ҡаршы алды.

Ҡунаҡтарҙы квас һәм икмәк менән сәләмләгәндән һуң, уларҙы таш янына саҡырҙылар. Шуныһы иғтибарға лайыҡ: был — аллеяла тәүге таш.

«Салауат Юлаевты һәм уның атаһы Юлай Аҙналинды мәңгелек һөргөнгә илткән Ҡазан — Түбәнге Новгород тракты тап ошо яҡтан үткән, шуға күрә ташта «1775 йыл» — батыр ошо ерҙән ҡасан уҙған, шул дата яҙылған, — тип һөйләне Зөһрә Бураҡаева. — Этнография үҙәге уникаль парк булып тора, бында реконструкциялар, милли байрамдар ойошторола. Почта музейы экспозицияһы асылды. 24 июндә «Хра Вуди Поххи» халыҡ байрамы үткәрелә, ул йыл һайын республиканың төрлө мөйөштәренән, Рәсәйҙән һәм сит илдәрҙән ватандаштарын йыя. Шуныһы ҡыуаныслы: байрамдың меңдәрсә ҡунағын Салауат Юлаев ташы ла ҡаршылай».

«Салауат юлдары буйлап» киноэкспедицияһы бөгөн, 20 июндә, Палдискиҙан Өфөгә ҡайтты.

http://www.bashinform.ru/news/1175588-v-chuvashii-pervym-v-allee-kamney-batyrov-stal-kamen-salavata-yulaeva/

1 из 6

#хәтер #салауат юлаев #киноэкспедиция

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.