Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Ҡар
Бөтә яңылыҡтар
Мәҙәниәт
31 Май 2018, 10:25

Өфөлә Владимир Спиваковтың II Халыҡ-ара скрипкасылар конкурсы үтә

Олег Яровиков
Олег Яровиков
ӨФӨ, 2018 йыл, 31 май. /«Башинформ» мәғлүмәт агентлығы, Ләйлә Аралбаева/. 17-21 сентябрҙә «Башҡортостан» дәүләт концерт залында Владимир Спиваковтың II Халыҡ-ара скрипкасылар конкурсы үтә.
Конкурс лауреаттары танылған скрипка оҫталары: Риккардо Антониацциҙың (Милан, 1912 йыл), Жюль Гранджонаның (Париж, 1848 йыл) һәм Игорь Улицкийҙың (Мәскәү, 2017 йыл) ҡоралдарына һәм башҡа бүләктәргә лайыҡ була.
Конкурстың ойоштороу комитеты башҡарыусыларҙан ғаризалар ҡабул итә. Унда бөтә донъянан 15-26 йәштәге музыканттар ҡатнаша ала. Ғаризалар 2018 йылдың 20 июленә тиклем ҡабул ителә.
Ҡатнашыусыларҙың сығышын халыҡ-ара жюри баһалай. Жюри рәйесе – профессор Михаил Копельман.
Билдәләп үтергә кәрәк, 2018 йылда Владимир Спиваков менән ижади осрашыуҙарға 4,5 миллион һум күләмендә Башҡортостан Башлығы гранты бүленгән.
Ҡалабыҙҙа 2016 йылдан башлап уҙғарылған ҙур скрипкасылар фестивале республика музыка сәнғәтенең абруйын күтәреүгә булышлыҡ итә, төрлө ил музыканттары араһында хәл иткес ярыш булып тора.
Дүрт көн дауамында Өфө Европаның скрипкала башҡарыу сәнғәтенең баш ҡалаһына әйләнә. Бөтөн донъянан тамашасылар онлайн-трансляцияла яңы йондоҙҙар тыуыуын күҙәтә ала.
http://www.bashinform.ru/news/1166672-v-ufe-proydet-ii-mezhdunarodnyy-konkurs-skripachey-vladimira-spivakova/
Автор:Ләйлә Аралбаева
Читайте нас: