Суббота, 12 Сентября 2026

Уфа

+20 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Мәҙәниәт

16:20 (UTC+5), 24 Мая 2018

Силәбе өлкәһендә шағир-юморист Марсель Сәлимовтың кисәһе уҙҙы

Светлана Беллендир, Владислав Левашов

IMPORT Сервисный

ӨФӨ, 2018 йыл, 24 май. /«Башинформ» мәғлүмәт агентлығы, Ләйлә Аралбаева, Валя Заһиҙуллина/. Силәбе өлкәһе Златоуст ҡалаһының Үҙәк китапханаһында яҙыусы-сатирик, шағир-юморист, Рәсәйҙең һәм Башҡортостандың атҡаҙанған мәҙәниәт хеҙмәткәре Марсель Сәлимовтың «Китап» китапхана берләшмәһендә ҡатнашыусылар менән ижади осрашыуы үтте.

Китапхана директоры урынбаҫары Наталья Соколова, сәләмләү һүҙе менән сығыш яһап, күптәр башҡорт сатиригының китаптарын ихлас уҡыуын һәм танылған автор менән осрашыуға шат булыуын билдәләне.

«Китап» берләшмәһе етәксеһе Валя Заһиҙуллина яҙыусының тормошо һәм ижады хаҡында һөйләне, үҙенең сирек быуат самаһы элек сатирик менән тәүге ижади осрашыу ойоштороуын иҫенә төшөрҙө.

Технология һәм иҡтисад техникумының сит телдәр уҡытыусыһы Әлиә Ноғоманова оҙаҡ йылдар Марсель Сәлимов етәкләгән «Һәнәк» журналының үҙ ваҡытында ауыл ерендә халыҡтың һәм илдең реаль тормошо тураһында төп баҫма кеүек булыуы тураһында хәтирәләре менән бүлеште.

Ижад кисәһендә Марсель Сәлимовтың рус, башҡорт һәм татар телдәрендә донъя күргән китаптарынан күргәҙмә ойошторолғайны. Яҙыусы китапханасыларға һәм уҡыусыларға китаптарға һаҡсыл мөнәсәбәттәре өсөн рәхмәт белдерҙе.

Марсель Сәлимов башҡорт, рус һәм татар телдәрендә юмористик шиғырҙарын һәм хикәйәләрен уҡыны. «Һандуғас» халыҡ ижади коллективы етәксеһе Фанит Ҡарасуриндың тальянкала уйнауы һәм йырҙар ҡунаҡ өсөн музыкаль бүләк булды.

Кисә һуңында абруйлы ҡунаҡ китапханаға болгар, инглиз телдәрендәге яңы китаптарын бүләк итте. Хәҙер үҙәк китапханала билдәле әҙиптең әҫәрҙәрен сит телдәрҙә лә уҡырға мөмкин.

Икенсе көндө Марсель Сәлимов Башҡортостан һәм Силәбе өлкәһенең ветерандар советы президиумдарының берлектәге күсмә ултырышында ҡатнашты. Сара Златоуст хакимиәтендә мэр Вячеслав Жилин ҡатнашлығында уҙҙы.

http://www.bashinform.ru/news/1163236-v-chelyabinskoy-oblasti-proshel-vecher-bashkirskogo-yumorista-marselya-salimova/

1 из 10

#ижади осрашыуҙар #әҙәбиәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.