Башҡортостанда Музейҙар төнө Ғаилә йылына арналасаҡ

Олег Яровиков

Ләйлә Аралбаева

ӨФӨ, 2018 йыл, 27 апрель. /«Башинформ» мәғлүмәт агентлығы, Ләйлә Аралбаева/. 19 майҙа Башҡортостан ҡалаларында ғәҙәттәге «Музейҙар төнө-2018» үтә. Быйыл акция төп ике тема: «Һаҡлағыстарҙан шедеврҙар» һәм «Башҡортостан Республикаһында ғаилә йылы» буйынса уҙғарыла.

19 майҙа кискеһен 100-ҙән ашыу музей һәм галерея: 23 дәүләт һәм 72 муниципаль музейы, шулай уҡ клуб-ял учреждениелары ҡарамағында музейҙар, корпоратив Почта музейы һәм шәхси «Интеллектус» мауыҡтырғыс фәндәр интерактив музейы үҙ ишектәрен аса.

«Музейҙар төнө» акцияһына «Рәсәй – минең тарихым» мультимедиялы тарихи парк, Хөсәйен Әхмәтов исемендәге Башҡорт дәүләт филармонияһы һәм «Урман илселеге» зоопаркы ҡушылды.

500-ҙән ашыу яңы күргәҙмә һәм ғәҙәти булмаған сара тәҡдим ителә. Быйыл акцияға 45 меңдән ашыу кешенең ҡушылыуы көтөлә, тип хәбәр иттеләр Башҡортостан Мәҙәниәт министрлығынң матбуғат хеҙмәтендә.

Ҙур музейҙар үҙенең художество ҡиммәте йәки тарихи әһәмиәте буйынса бығаса һаҡлау урындарынан сыҡмаған йәки ғөмүмән күргәҙмәгә ҡуйылмаған үҙенә бер айырым музей предметтарын күрһәтә. Кесе ҡалалар һәм ауылдар музейҙары кешеләргә таныш булмаған яңы экспонаттар күргәҙмәләрен һәм «бер экспонат күргәҙмәләрен» аса. Республика темаһы сиктәрендә музейҙар ғаилә ҡиммәттәренә, йолаларына һәм байрамдарына, Башҡортостандан сыҡҡан арҙаҡлы кешеләр һәм ҡалаларҙағы, ауылдарҙағы ғаилә тормошонда татыулыҡ һәм гармония өлгөһөн күрһәткән күптән йәшәүселәр тарихына арналған күргәҙмәләр һәм мәҙәни-мәғариф саралар тәҡдим итә.

«Музейҙар төнө» акцияһын асыу тантанаһы, ғәҙәттәгесә, киске сәғәт 5-тә «нуль саҡрымында» – Өфө Баш почтаһында урынлашҡан Почта музейында башлана. Сараны асыу сиктәрендә «Музейҙар төнө»нә махсус сығарылған почта продукцияһына тамға ҡуйыу була.

Күҙалланған музей саралары хаҡында мәғлүмәтте республика музейҙары сайттарында һәм социаль селтәрҙәге сәхифәләрендә һәм һылтанма буйынса алырға мөмкин.

http://www.bashinform.ru/news/1150785-v-bashkirii-noch-muzeev-2018-budet-posvyashchena-godu-semi/

#ижади акциялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.