Среда, 29 Апреля 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

12:42 (UTC+5), 23 Апреля 2018

Илдар Абдразаҡов Өфө сәнғәт институты студенттары өсөн оҫталыҡ дәресе үткәрҙе

Олег Яровиков

IMPORT Сервисный

ӨФӨ, 2018 йыл, 23 апрель. /«Башинформ» мәғлүмәт агентлығы, Ләйлә Аралбаева/. Бөгөн опера йырсыһы Илдар Абдразаҡов Өфөлә студенттар өсөн оҫталыҡ дәресе бирҙе. З. Исмәғилев исемендәге Өфө дәүләт сәнғәт институтының Шаляпин залына йәш йырсылар, педагогтар һәм мәҙәни йәмәғәтселек вәкилдәре йыйылды, залда буш урындар юҡ ине. Өфө сәнғәт институтының махсус комиссияһы асыҡ дәрестә ҡатнашыусылар менән таныштырҙы. Улар – яңғыҙ йырлау кафедраһы студенттары Дамир Таипов, Рим Рәхимов, Салауат Кейекбаев, Илья Морозов, Артур Хисамов, Сергей Еромченко.

Оҫталыҡ дәресендә ҡатнашыусылар башҡарыуында операларҙан ариялар тыңлағандан һуң, Илдар уларға профессиональ кәңәштәр бирҙе, нескәлектәр өҫтөндә эшләргә, йөкмәткеһе хаҡында уйланырға һәм фразаны күңел аша үткәрергә өйрәтте.

«Һүрәт төшөр, рәссам бул! «Беҙ һинең йөрәгеңде күрергә тейеш», «Мин штамптарҙы яратмайым», «Беҙ, йырсылар, кемдең нисек йырлағанын тыңлайбыҙ, һәм яңылыш хәтерҙә ҡалдырабыҙ, шуға күрә ноталарҙа нисек яҙылған, шулай ятларға кәрәк», «Залға ҡара, уға һөйлә, уның иғтибарын йәлеп ит!» — тәжрибәле артист яңы сәнғәт юлына аяҡ баҫҡан йәштәрҙе ошондай һүҙҙәр менән дәртләндерҙе.

Йырсы студенттарҙың һәр береһе менән иғтибарлы эшләне, уларҙың тауыштарын маҡтаны. Илдар Абдразаҡов әйтеүенсә, оҫталыҡ дәресендә ҡатнашҡан студенттарҙың береһе уның I Музыка фестиваленең гала-концертында ҡатнаша.

«Илдар Абдразаҡов 2000 йылда һоҡланғыс уҡытыусыбыҙ Миләүшә Ғәли ҡыҙы Мортазина класын тамамлаған. Бында уҡығанда уҡ Мария театрында эшләй башлағайны. Ул икенсе тапҡыр беҙҙә оҫталыҡ дәресен уҙғарырға ризалашты — уға ҙур рәхмәт. Уның беренсе оҫталыҡ дәресе бер нисә йыл элек булғайны, — тине Өфө дәүләт сәнғәт институтының яңғыҙ йырлау кафедраһы мөдире, профессор Фәрзәнә Сәғитова. — Ул нимәгә ынтылыуын, нимә эшләргә кәрәклеген аңлай, белә, һәм һуңынан балаларыбыҙ мин дөрөҫ эшләйемме, дөрөҫ йырлайыммы тип уйлай. Илдар оҫталыҡ дәрестәрен итәғәтле үткәрә, образ хаҡында һөйләй. Студенттар уның оҫталыҡ дәрестәрендә ихлас ҡатнаша».

Көндөң тәүге яртыһында АҠШ-тан килгән виолончель оҫтаһы Борислав Струлев студенттарға оҫталыҡ дәресе бирҙе. Ул да Илдар Абдразаҡовтың Музыка фестивалендә ҡатнаша.

http://www.bashinform.ru/news/1148685-ildar-abdrazakov-provel-master-klass-dlya-studentov-ufimskogo-instituta-iskusstv/

1 из 10

#опера #музыка фестивале #илдар абдразаҡов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.