91.82
0
Башҡортостан һәм Өфө яңылыҡтары
98.95
0
82.84
+0.05
8+ °C
Болотло
Бөтә яңылыҡтар
Мәҙәниәт
3 Апрель 2018, 14:42
Башҡортостандан һәләтле йәш ҡыҙ «Балалар Евровидениеһы»н яулай
ӨФӨ, 2018 йыл, 3 апрель. /«Башинформ» мәғлүмәт агентлығы, Эльмира Сабирова/. Беренсе каналда «Голос.Дети» шоуында ҡатнашҡан яҡташыбыҙ Наҙгөл Отузова «Балалар Евровидениеһы» музыкаль конкурсының беренсе милли һайлап алыу турында сығыш яһай. Бәйге Мәскәүҙә уҙа.
«Мин унда күптән ҡатнашырға теләй инем, ләкин, һайлап алыу турында ҡатнашыу өсөн автор йырын башҡарыу төп шарт булғанлыҡтан, килеп сыҡманы, сөнки ундай йырым юҡ. Быйыл ойоштороусылар ҡағиҙәләрҙе бер аҙ йомшартты һәм теләгән әҫәрҙе башҡарырға рөхсәт итте. Миңә, «Голос» проектындағы кеүек үк, «Адажио»ны башҡарырға тәҡдим иттеләр, мин шулай эшләнем дә», — тине Наҙгөл.
Уның һүҙҙәренсә, ошо ике проект бер ваҡытҡа тура килмәгәнлектән, ул барыһына ла өлгөргән.
«Евровидение» конкурсының һайлап алыу турында ул Беренсе каналдағы кеүек үк тулҡынланған. Ләкин майҙансыҡтағы тыныс мөхит, иғтибарлы жюри ағзаларын һәм конкурсанттарҙы күргәс, тиҙ генә тынысланған.
«Судьяларҙың күҙҙәренә ҡарап йырлауы еңелерәк булды. Өҫтәүенә бында «Голос.Дети» проектынан күп кенә ҡатнашыусыларҙы осраттым», — тип билдәләне Наҙгөл.
Әйткәндәй, ул — Башҡортостандан берҙән-бер ҡатнашыусы.
Ҡыҙыҡайҙың киләһе турға үтеү-үтмәүе гала-концертта, 5 апрелдә, билдәле була, әлегә иһә ул буш ваҡытында конкурсты ойоштороусылар үткәргән оҫталыҡ дәрестәренә йөрөй.
Хәтерегеҙгә төшөрәбеҙ, йома, 6 апрелдә, Беренсе каналда Наҙгөлдөң остазы — Баста командаһы сығыш яһай. Киске 10-сы яртыла тамашасылар ҡыҙыҡай артабан сығыш яһармы, юҡмы икәнлеген белә ала.
http://www.bashinform.ru/news/1138076-yunaya-talantlivaya-vokalistka-iz-bashkirii-pokoryaet-detskoe-evrovidenie/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».