Башҡортостан һәм Өфө яңылыҡтары
58.45
+0.27
55.72
-0.27
89.01
-0.31
4+ °C
Болотло
Бөтә яңылыҡтар
Мәҙәниәт
16 Март 2018, 14:19

Өфөлә «Һәҙиә» әҙәби конкурсына йомғаҡ яһалды

ӨФӨ, 2018 йыл, 16 март. /«Башинформ» мәғлүмәт агентлығы, Ләйлә Аралбаева/. Өфөлә «Һәҙиә» әҙәби конкурсына йомғаҡ яһалды. Конкурсҡа үҫмерҙәр өсөн күләмле проза әҫәрҙәренең ҡулъяҙмалары ҡабул ителде. Әҙәби бәйгелә билдәле яҙыусылар менән бер рәттән китап уҡыусыларға таныш булмаған авторҙар ҙа ҡатнашты.
Беренсе, икенсе, өсөнсө урындар, ике дәртләндереү премияһы ҡаралғайны. Конкурс аноним рәүештә уҙҙы, хәҙер иһә авторҙарҙың фамилияларын асыҡларға кәрәк.
«Мин бик ҡәнәғәтмен, 13-17 йәшлек үҫеп килгән быуын өсөн яңы әҫәрҙәр ижад ителде», — тине конкурсты ойоштороусы, танылған башҡорт яҙыусыһы һәм йәмәғәт эшмәкәре Гүзәл Ситдиҡова. 2017 йылда ул әҙәбиәт һәм сәнғәт өлкәһендәге Һәҙиә Дәүләтшина исемендәге республика дәүләт премияһына лайыҡ булғайны. Яҙыусы Башҡортостандың Яҙыусылар союзы булышлығында ошо премияның аҡсаһына әҙәби бәйге ойошторҙо.
«Һәҙиә» конкурсы еңеүселәрен 27 мартта Бөрөлә ғилми-ғәмәли конференция барышында бүләкләү ҡаралған.
http://www.bashinform.ru/news/1128984-v-ufe-literaturnyy-konkurs-khadiya-podvel-itogi/
Читайте нас в