Баш ҡала халҡын «Баллы, тирәкле Балтирәк» лирик комедияһының премьераһына саҡыралар

ӨФӨ, 2018 йыл, 12 март. /«Башинформ» мәғлүмәт агентлығы, Ләйлә Аралбаева/. 18 һәм 20 мартта Мәжит Ғафури исемендәге Башҡорт академия драма театры сәхнәһендә «Баллы, тирәкле Балтирәк» спектакленең премьераһы үтә. Әнгизә Ишбулдинаның лирик комедияһын Башҡортостандың халыҡ артисы Алмас Әмиров сәхнәгә ҡуя. Әлегә төп сәхнәлә репетициялар бара, тип хәбәр иттеләр театрҙың матбуғат хеҙмәтенән.

Һәр ауылға ингән саҡта уның исеме яҙылған билдә тора, бында ла шундай бар. Әммә бында ул кем өсөн? Ауыл юл өҫтөндә түгел, ә йылғаның икенсе яғында. Бында бөтәһе лә тейешенсә: мәктәп тә, ауыл мәҙәниәт йорто ла, ферма ла, бер нисә тиҫтә йорт та бар, тик кешеләр генә аҙ. Ә урыны бит яҡшы ғына. Бына «Хәҙер ауылға бараһы ине» тигән ошо тылсымлы һүҙҙәрҙе әйтегеҙ ҙә, күҙҙәрегеҙҙе йомоғоҙ әле һәм ошо ауыл күҙ алдығыҙға килеп баҫыр.

http://www.bashinform.ru/news/1126698-ufimtsev-priglashayut-na-premeru-liricheskoy-komedii-na-kiselnom-beregu/