Башҡортостан һәм Өфө яңылыҡтары
69.34
0
75.41
0
86.41
-1.06
-10 °C
Болотло
Бөтә яңылыҡтар
Мәҙәниәт
27 Февраль 2018, 10:20

Өфө журналисы Светлана Ниғмәтуллинаның тәүге китабы донъя күрҙе

ӨФӨ, 2018 йыл, 27 февраль. /«Башинформ» мәғлүмәт агентлығы, Розалиә Вәлиева/. Өфө журналисы Светлана Ниғмәтуллинаның «То что мы видим. Простые рассказы» тигән тәүге китабы Екатеринбургтағы «Ридеро» нәшриәтендә баҫылып сыҡты.
«Емеш-еләк тулы ҡапсыҡ тотҡан йөҙөнән нур киткән ҡатын-ҡыҙ. Ике балалы яңғыҙ әсә. Ҡаушап ҡалған бай егет. Буш бүлмәлә арыған акушерка. Төньяҡ елдәр менән сыныҡҡан ир-егет. Уларҙың йөҙҙәре – тик беҙгә күренгәне генә ул. Улар бөтәһе лә – беҙгә тойолғандан күберәк», — тиелгән баҫманың ҡыҫҡаса йөкмәткеһендә.
«Был китап – ҡыҫҡаса хәл-ваҡиғалар йыйынтығы. Тормош, кешеләр, мөхәббәт, яңғыҙлыҡ, ғаилә, әсәлек хаҡында ябай һәм тетрәндергес хикәйәләр. Бөтөн уҙған йыл уның өҫтөндә эшләнем, бер хикәйәнән тыш бөтәһе лә 2017 йылда яҙылған. «Ваза для фруктов» исемлеһенә генә ун йылдан ашыу».
Интернетта китап 25 февралдә һатыуға сыҡты. Электрон төрөн Ридеро нәшриәте, шулай уҡ ЛитРес, Amazon, MyBook сайттарында һатып алырға мөмкин.
Матбуғат баҫмаһын «Ридеро» сайты йәки OZON интернет-магазины аша алып була.
Белешмә
Светлана Ниғмәтуллина – журналист, «ТЭФИ» махсус премияһы номинанты, Рәсәй Журналистар союзы ағзаһы.
http://www.bashinform.ru/news/1121905-vyshla-v-svet-debyutnaya-kniga-ufimskoy-zhurnalistki-svetlany-nigmatullinoy/
Автор:Розалиә Вәлиева
Читайте нас в