Краснодарҙа яҙыусы Мәхмүт Сәлимовтың китабының исем туйы уҙҙы

ӨФӨ, 2018 йыл, 26 февраль. /«Башинформ» мәғлүмәт агентлығы, Дарья Петрова/. 23 февралдә, Ватанды һаҡлаусылар көнөндә, Краснодарҙа Мәхмүт Сәлимовтың китабының исем туйы уҙҙы. «Ағиҙел-К» башҡорт милли үҙәге» Краснодар крайы йәмәғәт ойошмаһы етәксеһе Әүхәт Мусин яҙыусының ижади осрашыуын үткәрергә саҡырҙы.

Осрашыу осраҡлы ғына 23 февралдә ойошторолманы: полковник – хәрби хәрәкәттәр ветераны, Ҡораллы көстәрҙә 23 хеҙмәт иткән. Үҙ әҫәрҙәрендә Мәхмүт Сәлимов башҡорт халҡының аҙ билдәле хәрби тарих биттәрен асып һала, хәрби офицер көндәре хаҡында хәтирәләре менән уртаҡлаша. Улар аша башҡорт халҡының тормошо, көнкүреше, йолалары һәм мәҙәниәте хаҡында күп нәмә белергә була. Риүәйәттәр һәм легендаларҙы ул ысын тарихи факттар һәм ваҡиғалар менән тулыландыра. Мәхмүт Сәлимов хикәйәләре тураһында һөйләне, ижади пландары менән уртаҡлашты һәм 112-се Башҡорт кавалерия дивизияһының хәрби юлы буйынса автоуҙышҡа арналған фильмды күрһәтте.

Хәтерегеҙгә төшөрәбеҙ, автоуҙыш 2017 йылда үтте, акция легендар Башҡорт кавалерия дивизияһы ойошторолоуҙың 75 йыллығына һәм Бөйөк Ватан һуғышында еңеүҙең 72 йыллығына арналғайны.

Яҙыусы менән осрашыуға Төньяҡ-Кавказ хәрби округында хеҙмәт иткән яҡташ-офицерҙар: Полковник Әхмәҙи Сөләймәнов, икенсе ранг капитандары Марс Ғаббасов һәм Салауат Шайморатов һәм башҡалар килде. Ватанды һаҡлаусылар көнөнә арналған байрамда бөтәһе 50-ләгән кеше булды.

http://www.bashinform.ru/news/1121384-v-krasnodare-proshla-prezentatsiya-knigi-pisatelya-makhmuta-salimova/