Өфөлә 12 ҡыҙ «Һылыуҡай – 2018» конкурсының финалына үтте

ӨФӨ, 2018 йыл, 26 февраль. /«Башинформ» мәғлүмәт агентлығы, Наталья Овчарук/. Өфөлә «Һылыуҡай – 2018» республика конкурсының финалсылары билдәләнде. Һайлап алыу турында Башҡортостандың төрлө төбәктәренән килгән ҡыҙҙар ҡатнашты, ләкин 12 сибәр генә финалға сыҡты.

Йола буйынса, ҡатнашыусылар үҙҙәре менән таныштырҙы, һәләттәрен күрһәтте һәм подиумдан йөрөнө.

«Һылыуҡай – 2018» тажына дәғүә иткән ҡыҙҙар әҙәби телде белергә, тәбиғи матурлыҡҡа һәм мөләйемлеккә эйә булырға тейеш», — тип асыҡлыҡ индерҙе ойоштороусылар.

Наҙгөл Әйүпова (Ейәнсура районы), Зилә Ғатауллина (Ҡыйғы районы), Эльвина Ғәзизуллина (Бишбүләк районы), Розалина Ғисмәтуллина (Көйөргәҙе районы), Азалия Заһитова (Мәскәү), Гүзәлиә Ишмөхәмәтова (Өфө), Әлфинә Кашапова (Әлшәй районы), Зөһрә Муллағәлина (Өфө), Гөлсиә Нәҙершина (Бөрйән районы), Гөлдәр Смакова (Ауырғазы районы), Аделия Фәйзуллина (Өфө), Илзирә Әсмәндиәрова (Балаҡатай районы) республика матурлыҡ конкурсының финалына үтте.

Әле ҡатнашыусылар финал концертына әҙерләнә, роликтарҙа төшә, кейем-һалым һәм бейеү номерҙарын күрһәтергә йыйына, сәхнә телмәрен камиллаштыра.

Финал 23 мартта «Башҡортостан» дәүләт концерт залында уҙа.

http://www.bashinform.ru/news/1121001-v-ufe-12-krasavits-proshli-v-final-konkursa-khylyukay-2018/