Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Мәҙәниәт
6 Февраль 2018, 16:00
Республикала Назар Нәжмиҙең һәм Әнғәм Атнабаевтың юбилейҙарына бағышланған әҙәби конкурс иғлан ителде
автор
ӨФӨ, 2018 йыл, 6 февраль. /«Башинформ» мәғлүмәт агентлығы, Ләйлә Аралбаева/. Башҡортостанда Башҡортостандың халыҡ шағирҙары Назар Нәжмиҙең һәм Әнғәм Атнабаевтың юбилей даталарына арналған әҙәби конкурс иғлан ителде.
Бәйге проза һәм поэзия номинациялары буйынса уҙғарыла. Хикәйә, очерк, эссе, шиғырҙар ҡабул ителә. Быға тиклем конкурсҡа тәҡдим ителмәгән һәм әлегә бер ҡайҙа ла баҫылмаған әҫәрҙәр генә ҡарала. Эштәр псевдоним аҫтында баҫыла. Еңеүсене редакция журналистары, яҙыусылар һәм әҙәбиәт белгестәренән торған махсус жюри билдәләй.
Төп бүләк — 50 мең һум, II бүләк — 30 мең һум, ике III бүләк — 20-шәр мең һум. Конкурс 1 февралдән 1 декабргә ҡәҙәр дауам итә. Тәтешле һәм Дүртөйлө райондары вәкилдәре махсус приздар әҙерләй.
Иң яҡшы әҫәрҙәр йыйынтыҡ булып донъя күрә. Авторҙарға гонорар түләнмәй. Конкурстың положениеһы менән «Өмет» гәзите, Башҡортостандың Яҙыусылар союзы, Башҡортостан Республикаһы татарҙарының милли-мәҙәни автономияһы сайтында, «Бәйләнештә» танышырға мөмкин.
Еңеүселәрҙе бүләкләү тантанаһы 21 декабрҙә Өфө «Нур» театрында уҙғарыла.
Бәйгене ойоштороусылар: Башҡортостандың Яҙыусылар союзы, Башҡортостан Республикаһы татарҙарының милли-мәҙәни автономияһы һәм «Өмет» республика гәзите.
Конкурстың маҡсаты — Назар Нәжмиҙең һәм Әнғәм Атнабаевтың әҙәби-ижади мираҫын һаҡлау һәм пропагандалау, һәләтле әҙәбиәтселәрҙең ижади ҡеүәтен үҫтереүгә булышлыҡ итеү, йәштәрҙе туған телгә ылыҡтырыу.
Эштәрҙе электрон вариантта ебәрергә кәрәк. Йәш буйынса сикләүҙәр юҡ. Редакцияның адресы: 450079, Өфө ҡалаһы, Октябрҙең 50 йыллығы урамы, 13. Электрон почта:
[email protected]
.
http://www.bashinform.ru/news/1113330-v-bashkortostane-obyavlen-literaturnyy-konkurs-posvyashchennyy-yubileyam-nazara-nadzhmi-i-angama-atn/
Теги:
әҙәби конкурс
Читайте нас: