Артур Нәзиуллин Мәскәүҙә «XXI быуат йондоҙҙары» абонементы сиктәрендә сығыш яһаясаҡ

ӨФӨ, 2018 йыл, 2 февраль. /«Башинформ» мәғлүмәт агентлығы, Ләйлә Аралбаева/. Билдәле Рәсәй музыканты, Башҡортостан Республикаһында Владимир Спиваков фонды директоры Артур Нәзиуллин Мәскәүҙә сығыш яһаясаҡ. 6 февралдә ул данлыҡлы Чайковский исемендәге концерт залында уйнай. Концерт Мәскәү дәүләт академия филармонияһының «XXI быуат йондоҙҙары» абонементы сиктәрендә үтә.

Концертта халыҡ-ара конкурстар лауреаттары, скрипкасы Иван Почекин, пианинола уйнаусы Дмитрий Шишкин һәм Е.Светланов исемендәге Рәсәй дәүләт академия симфоник оркестры (дирижер Дмитрий Крюков) ҡатнаша.

Мәскәү дәүләт академия филармонияһы сайтында концертты тура эфирҙа ҡарарға мөмкин.

Артур Нәзиуллин – Рәсәйҙә иң талап ителгән кларнетсыларҙың береһе, Башҡортостан Республикаһының атҡаҙанған артисы, республиканың Ш.Бабич исемендәге дәүләт премияһы лауреаты, Мәскәү дәүләт академия филармонияһы, Мәскәү өлкә филармонияһы программалары солисы, Башҡортостан Республикаһында Владимир Спиваков фонды директоры. Артист илдең бик күп төбәктәрендә Мәскәү дәүләт филармонияһының һәм Рәсәй Мәҙәниәт министрлығының «XXI быуат йондоҙҙары», «Бөтә Рәсәй филармония миҙгелдәре» программаларында сығыш яһай.

Артур Нәзиуллиндың Мәскәү дәүләт филармонияһында концерттары 2019 йылғаса яҙылған.

http://www.bashinform.ru/news/1111422-artur-naziullin-vystupit-v-moskve-v-ramkakh-abonementa-zvezdy-xxi-veka/