Башҡортостандың халыҡ артисы өй төҙөгәндә бронза быуатҡа ҡараған боронғо һауыт тапҡан

ӨФӨ, 2017 йыл, 19 декабрь. /«Башинформ» мәғлүмәт агентлығы, Ләйлә Аралбаева/. Башҡортостандың халыҡ артисы Вәхит Хызыров беҙҙең дәүергә тиклем II мең йыл элеккә ҡараған боронғо һауыт тапҡан. Танылған йырсы уны үҙенең тыуған ауылы Әбйәлил районы Таштимер ауылы янында көтмәгәндә табып алған.

«Балсыҡтан эшләнгән һауыт өй төҙөгән саҡта килеп сыҡты. Ул бик яҡшы торошта һаҡланған – был үтә нескә эш, унда арый символикаһына оҡшаған орнамент бар.

Һауыт яҡынса 8-10 литрлыҡ. Белгестәр уны бронза быуатына ҡарай тине», — тип һөйләне Вәхит Хызыров.

Археологик табылдыҡты артист республиканың Милли музейына тапшырҙы. Хәҙер ул музей фондында һаҡлана. Һис шикһеҙ, бронза быуатына ҡараған һәм үҙенсәлекле һаҡланған һауыт Башҡортостан Республикаһы Милли музейының «Археология» коллекцияһы биҙәгенә әйләнәсәк, тип хәбәр итте күргәҙмәләр бүлеге мөдире Алһыу Мөфтәхова.

Бөгөн, 19 декабрҙә, Башҡортостан Республикаһы Милли музейында музей менән тығыҙ хеҙмәттәшлек иткәне һәм төбәктең тарихи-мәҙәни ҡомартҡыларын һаҡлау эшенә индергән шәхси өлөшө өсөн Башҡорт филармонияһы йырсыһы Вәхит Хызыровҡа рәхмәт хатын тапшырыу тантанаһы үтә.

http://www.bashinform.ru/news/1094288-narodnyy-artist-bashkortostana-pri-stroitelstve-doma-nashel-drevniy-sosud-bronzovogo-veka/

Автор:Ләйлә Аралбаева

Теги:археология

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».