91.78
-0.23
Башҡортостан һәм Өфө яңылыҡтары
98.03
-0.69
89.29
+0.18
17+ °C
Болотло
Бөтә яңылыҡтар
Мәҙәниәт
18 Декабрь 2017, 14:10
Өфөлә «Байыҡ-2017» башҡорт бейеүе конкурсында һигеҙ Гран-при тапшырылды
ӨФӨ, 2017 йыл, 18 декабрь. /«Башинформ» мәғлүмәт агентлығы, Ләйлә Аралбаева/. Өфөлә «Байыҡ-2017» башҡорт бейеүе конкурсына йомғаҡ яһалды. «Башҡортостан» дәүләт концерт залында «Байыҡ-2017» башҡорт бейеүен башҡарыусыларҙың телевизион конкурсының 10 йыллығына бағышланған гала-концерт уҙҙы. Концертты 2018 йылдың 1 ғинуарында эфирҙа ҡарарға мөмкин.
Проекттың 10 йыллығы уңайынан 600-ҙән ашыу бейеүсе бер сәхнәгә йыйылды. Улар — уҙған йылдарҙа Гран-при яулаусылар, «Байыҡ-2017» финалсылары, Ф. Ғәскәров исемендәге дәүләт академия халыҡ бейеүҙәре ансамбле, «Мираҫ» йыр һәм бейеү фольклор ансамбле, «Сибай» халыҡ бейеүҙәре ансамбле һәм Татарстан, Төньяҡ Осетия-Алания, Ҡаҙағстан, Мәскәү ҡунаҡтары.
«10 йыл эсендә бәйгене ойоштороусыларҙың, бейеү ҡуйыусыларҙың һәм ансамбль етәкселәренең тырышлығы менән проект байтаҡ уңыштарға өлгәште: яңы бейеүселәр, ансамблдәр, фольклор төркөмдәре, йәш балетмейстерҙар, онотолмаҫлыҡ тамашалар... «Байыҡ» халыҡ мәҙәниәтен һәм башҡорт бейеүе сәнғәтен һаҡлауҙа, үҫтереүҙә ҙур роль уйнай», — ти проекттың етәксеһе Рита Өмөтбаева.
Концертта һигеҙ Гран-при тапшырылды:
«Соло — ир-егеттәр» номинацияһында — Алмаз Таҡалов, Башҡорт дәүләт аграр университеты;
«Соло — ҡыҙҙар» номинацияһында — Айгөл Сәлтәшева, Көйөргәҙе районы;
«Оло быуын араһында ҡатын-ҡыҙҙар ансамбле» номинацияһында — «Дим биҙәктәре» бейеү коллективы, Миәкә районы;
«Оло быуын араһында ир-егеттәр ансамбле» номинацияһында — Закир Үҙәнбаев исемендәге «Атауҙы» ансамбле (Әбйәлил районы);
«Йәш быуын араһында тулы ансамбль» номинацияһында — «Сармат» халыҡ бейеүҙәре ансамбле, Сибай ҡалаһы;
«Тулы фольклор ансамблдәре» номинацияһында — «Сәсмәүер» фольклор ансамбле, Әбйәлил районы;
«Ҡатын-ҡыҙ фольклор ансамблдәре» номинацияһында — «Әхирәттәр» халыҡ фольклор ансамбле, Әбйәлил районы, «Аҡ тирәк» фольклор ансамбле, Мәсетле районы хакимиәте хеҙмәткәрҙәре.
Йыл хореографы – Йәмилә Бикбаева, йыл репетиторы – Илдар Хәтмуллин. Ҡалған финалсылар башҡорт бейеүе телевизион конкурсының I, II, III дәрәжә лауреаты исеменә лайыҡ булды һәм «Байыҡ»тан исемле бүләктәр алды.
http://www.bashinform.ru/news/1093538-v-ufe-na-konkurse-bashkirskogo-tantsa-baik-2017-vruchili-tselykh-vosem-gran-pri-/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».