Республика вәкилдәре 2017 йылда Төрки донъяһының мәҙәни баш ҡалаһын ябыу тантанаһында ҡатнашты

Ләйлә Аралбаева

ӨФӨ, 2017 йыл, 7 декабрь. /«Башинформ» мәғлүмәт агентлығы, Ләйлә Аралбаева/. Ҡаҙағстанда 2017 йылда Төрки донъяһының мәҙәни баш ҡалаһын ябыу тантанаһы уҙҙы. Гала-концертта 11 илдән һәм төбәктәрҙән талантлы йырсылар һәм бейеүселәр булды. Башҡортостандан төрлө музыка ҡоралдарында уйнаусы Заһир Зәйнетдинов һәм халыҡ-ара конкурстар лауреаты, халыҡ йырҙарын башҡарыусы Зилиә Бәхтиева сығыш яһаны.

Төркөстанда, Хужа Әхмәт Йәсәүи ҡалаһында ТӨРКСОЙ даими советының XXXV ултырышы һәм 2017 йылда Төрки донъяның мәҙәни баш ҡалаһын ябыу программа тантанаһы үтте. Даими совет ултырышында мәҙәниәт министры һәм мәҙәниәт министрлыҡтары, Төрки академия, ТРТ телеканалы, Хужа Әхмәт Йәсәүи исемендәге университет, киң мәғлүмәт саралары вәкилдәре ҡатнашты.

2018 йылда Төрки донъяның мәҙәни баш ҡалаһы итеп Төркиәнең Кастамону ҡалаһы һайланды. Даими совет 2018 йылда Азербайжан композиторы Кара Караевтың 100 йыллығы, Ҡаҙағстан яҙыусыһы Магжан Жумабаевтың 125 йыллығы, Ҡырғыҙстан яҙыусыһы Сынғыҙ Айтматовтың 90 йыллығы менән бәйле юбилей сараларын уҙғарыу тураһында ҡарар ҡабул итте. Дюсен Касеинов 2018-2020 йылдар осорона ТӨРКСОЙ-ҙың генераль секретары вазифаһына ҡайтанан һайланды.

Даими советтың XXXV ултырышында һынлы сәнғәт өлкәһендә Премиялар тапшырылды. Лауреаттар 19-20-се пленэр йомғаҡтары буйынса билдәләнде. Даими совет ултырышы йомғаҡлау ҡағыҙҙарына ҡул ҡуйыу менән тамамланды. Концерт программаһы аҙағында төрки донъяның мәҙәни баш ҡалаһы символын Кастамону ҡалаһы вәкилдәренә тапшырыу тантанаһы булды.

1 из 6

#халыҡ-ара хеҙмәттәшлек #мәҙәни баш ҡалалар #төрксой

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.