Шаршамбы, 21 Октябрь 2026

Өфө

+8 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Һуңғы яңылыҡтар

Төп бит/Мәҙәниәт

11:54 (UTC+5), 23 Ноябрь 2017

Билдәле яҙыусы-сатирик Марсель Сәлимов Швецияның баш ҡалаһында инглиз телендәге китабы менән таныштырҙы

Кенес Дуйсен, Александр Иринцеев, Раза Саед, Ленар Шәйехов

ӨФӨ, 2017 йыл, 23 ноябрь. /«Башинформ» мәғлүмәт агентлығы, Алик Шакиров, Анна Лари/. Швецияның баш ҡалаһы Стокгольмда VI Халыҡ-ара китап форумы һәм әҙәби фестиваль (Open Eurasian Literature Festival & Book Forum) уҙҙы. Уны ойоштороусылар булып Евразия ижад гильдияһы һәм «Hertfordshire Press» нәшриәт йорто (Лондон) сығыш яһаны.

Фестивалдә донъяның 14 иленән 300-гә яҡын яҙыусы, шағир, журналист, рәссам, артист һәм ғалим ҡатнашты. «Асыҡ Евразия» конкурсы финалсыһы сифатында Башҡортостандан яҙыусы-сатирик, халыҡ-ара әҙәби премиялар лауреаты, «Рәсәйҙең алтын ҡаурыйы» исеменә лайыҡ булған Марсель Сәлимов та саҡырылғайны. Сара барышында Стокгольмда уның инглиз телендәге яңы китабының исем туйы булды.

Күренекле яҙыусы-сатириктың «The book which has never» («Книга, какой еще никто не писал») тигән китабы Лондонда Евразия ижад гильдияһының китап серияһында донъя күрҙе.

2017 йылда был серияла танылған Евразия яҙыусыларының 18 китабы баҫылып сыҡты. Улар күргәҙмә-йәрминкәләрҙән тыш, ҙур интернет-майҙансыҡҡа — Амазонда, Австралия, Яңы Зеландия, Канада, Швеция, Нидерланд, Дания, Бөйөк Британия һәм АҠШ илдәренең онлайн-магазиндарына ла ҡуйылды. Уларҙы шулай уҡ донъялағы икенсе китап һаҡлағысҡа — Британия китапханаһына тапшырыу ҡаралған.

Солтан Раев (Ҡырғыҙстан), Гөлсифат Шәхиди (Тажикстан), Марал Хадырова (Төркмәнстан), Огдо (Рәсәй, Саха-Яҡутстан), Айгөл Рыҫҡолбәкова (Ҡырғыҙстан), Диләрә Линдсей (Бөйөк Британия), Ленар Шәйех (Рәсәй, Татарстан), Настасья Кузьмичева (Беларусь), Сауле Досжан (Ҡаҙағстан), Назикен Алпамыс ҡыҙы (Ҡаҙағстан), Марина Михайловская (Ҡаҙағстан), Даурен Кастеев (Ҡаҙағстан), Нурым Тайбек (Бөйөк Британия) һәм башҡа яҙыусылар, шағирҙар үҙҙәренең китаптары менән таныштырҙы.

Яңы китабы өсөн Марсель Сәлимовҡа «Йыл ҡаҙанышы» тигән махсус премия тапшырылды. «Hertfordshire Press» нәшриәт йорто етәксеһе Марат Әхмәтйәнов билдәләүенсә, «күренекле башҡорт яҙыусыһы үҙенсәлекле сатираһы һәм юморы менән ошондай ҙур ҡаҙанышҡа өлгәште».

Швецияның Халыҡ-ара китапханаһында һәм Стокгольм ҡалаһының Йәмәғәт китапханаһында үткән ижади осрашыуҙарҙа Марсель Сәлимов Скандинавия китап уҡыусыларына башҡорт, рус, татар һәм инглиз телдәрендәге йыйынтыҡтарын бүләк итте.

1 из 12

#китап сығарыу #китап форумы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.