«Звезда» телеканалы легендар комдив, генерал Миңлеғәле Шайморатов тураһында фильм төшөрә

Олег Яровиков

IMPORT Сервисный

ӨФӨ, 2017 йыл, 20 ноябрь. /«Башинформ» мәғлүмәт агентлығы, Ләйлә Аралбаева/. Рәсәйҙең «Звезда» телеканалы 112-се Башҡорт кавалерия дивизияһының легендар командиры, генерал Миңлеғәле Шайморатов тураһында документаль фильм төшөрә. Фильм — «Армия легендалары» циклы серияларының береһе. «Башинформ» агентлығы күҙәтеүсеһе фильм авторҙары менән осрашты.

Башҡортостанға сценарий авторы Татьяна Сорокина һәм оператор Илья Ушаков килде. Ике көн буйына ижади төркөм Ҡырмыҫҡалы районында, геройҙың тыуған төйәгендә фильм төшөрҙө.

«Башҡортостан фильмда төп урынды биләй. Мөмкинлек булһа, Кремль полкына барырға ниәтләйбеҙ. Архивтар менән ҙур эш башҡарыу бурысы тора — видеоархивтарҙы, документтарҙы һайлап алырға кәрәк, — тип һөйләне фильмдың авторы. — Ҡырмыҫҡалы районында беҙҙе ҡаршы алдылар, хәстәрлек күрҙеләр. Һәйкәл янында Сталинград һуғышына арналған сара — митинг, сәскә һалыу ойошторҙолар. Үтенесебеҙҙе кире ҡаҡмау, уларҙы башҡарырға әҙер тороу — үҙ геройыңа һөйөү шунда сағылалыр ҙа инде».

Татьяна Сорокина фильм төшөрөүҙә ярҙам күрһәткән барлыҡ республика халҡына рәхмәт белдерҙе.

«Геройығыҙҙы яратмау мөмкин түгел, сөнки мин уға ҡатнашы булғандарҙың күҙҙәре янып тороуын күрәм, һәм уның һеҙҙең өсөн ни тиклем изге һәм мөһим икәнлегенә төшөнәбеҙ», — ти автор.

Ҡыҙғанысҡа ҡаршы, геройҙың иҫән туғандары юҡ, ә ошо ваҡиғаларҙың шаһиттары ҡалмаған тиерлек, тип билдәләне Татьяна Сорокина. Бөгөн ижади төркөм Башҡортостандың Милли музейында документтар менән таныша. Автор һүҙҙәренсә, фильмда Ҡадир Даян шиғырына Заһир Исмәғилев ижад иткән Шайморатов генерал тураһында йыр ҙа яңғырай.

38 минутлыҡ фильмдың эфиры 2018 йылға билдәләнгән. Бәлки 23 февралдә, генерал Шайморатов һәләк булған көндә күрһәтерҙәр.

Рәсәйҙең легендар хәрбиҙәре тураһында телеочерк булараҡ әҙерләнгән «Армия легендалары» проекты «Звезда» телеканалында 2016 йылдан бирле бара.

#хәтер #тарих #миңлеғәле шайморатов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.