Башҡортостан һәм Өфө яңылыҡтары
92.59
+0.02
100.27
-0.14
85.74
+0.33
1+ °C
Ҡар
Бөтә яңылыҡтар
Мәҙәниәт
16 Ноябрь 2017, 06:30

«Рәсәй – Мәҙәниәт – Башҡортостан» телеканалы Салауат Юлаев һәйкәле тураһында тапшырыу күрһәтә

ӨФӨ, 2017 йыл, 16 ноябрь. /«Башинформ» мәғлүмәт агентлығы/. Салауат Юлаев һәйкәленә 50 йыл тулыу уңайынан «Рәсәй – Мәҙәниәт – Башҡортостан» телеканалы эфирына уны эшләү тарихына арналған документаль фильм сыға.
Салауат Юлаев һәйкәле бына инде ярты быуат республиканың баш ҡалаһын биҙәй, халыҡ батырының мөһабәт һыны Өфөнөң ысын символына әйләнде. «Рәсәй – Мәҙәниәт – Башҡортостан» телеканалы хәбәрсеһе Алексей Медведев «Хронограф» тигән проект әҙерләгән, унда һәйкәл менән бәйле бик күк ҡыҙыҡлы һәм алдан билдәле булмаған ваҡиғалар хаҡында һөйләй.
«Сюжет нигеҙендә һәйкәл авторы – Осетия скульпторы Сосланбек Тавасиев тураһында һөйләнелә. Тапшырыуҙа архив материалдар: эш процесынан фотолар, тыуған-тыумасаларының интервьюлары һәм башҡалар файҙаланылды. Сағыуыраҡ күрһәтеү өсөн постановкалар эшләп төшөрҙөк, уға Өфө актерҙары һәм билдәле сәнғәт эшмәкәрҙәре йәлеп ителде», — тип һөйләне Алексей Медведев.
Салауат Юлаев һәйкәленең юбилейына арналған «Хронограф» рубрикаһы «Рәсәй – Мәҙәниәт – Башҡортостан» телеканалы эфирына 17 ноябрҙә иртәнге сәғәт 7-лә сыға.
Автор:Ләйлә Аралбаева
Читайте нас: