Башҡортостан һәм Өфө яңылыҡтары
63.54
+0.1
66.36
+0.55
113.03
+1.1
5+ °C
Болотло
Бөтә яңылыҡтар
Мәҙәниәт
10 Ноябрь 2017, 14:28

Өфөлә Салауат Юлаев һәйкәленә 50 йыл тулыуға арналған күргәҙмә асыла

Олег Яровиков
Олег Яровиков
ӨФӨ, 2017 йыл, 10 ноябрь. /«Башинформ» мәғлүмәт агентлығы, Әлфиә Әғлиуллина/. Бөгөн, 10 ноябрҙә, Өфөлә республиканың Хәрби Дан музейында «Башҡортостандың азатлыҡ символы» күргәҙмәһе асыла. Экспозиция Салауат Юлаев һәйкәленең 50 йыллығына арналған.
Ойоштороусылар һүҙҙәренсә, күргәҙмәлә һәйкәлдең тарихы һәм хәҙергеһе менән бәйле материалдар, һәйкәл төҙөлөшө хронологияһын сағылдырған фотоһүрәттәр һәм документтарҙы күрергә мөмкин. Экспонаттар араһында һәйкәлдең тәүге моделенең бәләкәй күсермәһе лә урын алған.
Скульптор Сосланбәк Тавасиев һәйкәл өҫтөндә 25 йыл эшләй, уның тарихына бағышланған стенд күргәҙмәлә айырым урынды биләй. Музейға килгән кешеләр Тавасиевтар ғаиләһенең шәхси архивынан үҙенсәлекле материалдар менән таныша ала. Күргәҙмә Башҡортостандың милли батырының образы мәңгеләштерелгән предметтарҙы ла үҙ эсенә ала: Салауат ҡалаһы һәм Салауат районы, «Салауат Юлаев» хоккей клубы уның исемен йөрөтә.
Күргәҙмәне асыу тантанаһында Ҡ. Дәүләткилдиев исемендәге республика художество гимназия-интернаты уҡыусыларын, «Башҡортостандың азатлыҡ символы» һүрәттәр конкурсында ҡатнашыусыларҙы бүләкләү уҙа.
Күргәҙмә 10 декабргә тиклем эшләй.
Читайте нас в