«Көмөш Аҡбуҙат» кинофестивален асҡан фильм һәм конкурс программаһы билдәле булды

Олег Яровиков

IMPORT Сервисный

ӨФӨ, 2017 йыл, 7 ноябрь. /«Башинформ» мәғлүмәт агентлығы, Ләйлә Аралбаева/. 17-19 декабрҙә Башҡортостандың баш ҡалаһында IV «Көмөш Аҡбуҙат» милли һәм этник кинофестивале уҙғарыла. Фестивалде асҡан фильм һәм конкурс программаһы билдәле булды. Сара режиссер Сабит Ҡорманбәковтың «Оралман» (Ҡаҙағстан) фильмы менән асыла.

Конкурс программаһында һигеҙ тулы метражлы нәфис фильм ҡатнаша. Улар араһында Рәсәй, Канада-Греция, Ҡырғыҙстан, Ҡаҙағстан, Сербия, Һиндостан, Иранда төшөрөлгән фильмдар бар. «Башинформ» агентлығы хәбәр иткәнсә, Башҡортостандан күренекле шағир һәм йәмәғәт эшмәкәре Шәйехзада Бабичҡа арналған «Бабич» һәм «Өфөнән һөйөү менән» фильмдары ҡатнаша.

Рәсәй, Үзбәкстан, Афғанстан, Грузия, Азербайжан-Иран, Непалдан авторҙар Өфөлә ете ҡыҫҡа метражлы фильм тәҡдим итә. Улар иҫәбендә республика вәкилдәре — Фәрзәнә Утарбаеваның «Ҡырағай»ы һәм Руслан Юлтаевтың «Кластан тыш дәрес»е.

Ете документаль эш — Рәсәй (Татарстан, Төньяҡ Осетия-Алания), Ҡаҙағстан, Латвия, Һиндостандан фильмдар. Башҡортостандан был номинацияла Вилүрә Иҫәндәүләтованың «Башҡорт шәле» фильмы ҡатнаша.

Конкурстан тыш программала — Тажикстан, Рәсәй (Бүрәтстан, Башҡортостан), Грузия, Ҡырғыҙстандан фильмдар.

Кинофестивалдең тулы программаһы — бында. Фильмдарҙы ҡарау бушлай.

«Көмөш Аҡбуҙат» кинофестивале милли һәм этник йүнәлештәге фильмдар төшөргән кинематографистарҙың ижадын популярлаштырыу өсөн уйланылған. Өс көнгә Өфө мәҙәни үҙәккә әүереләсәк һәм төрлө төбәктәрҙән, илдәрҙән режиссерҙарҙы, актерҙарҙы, продюсерҙарҙы йыясаҡ.

Халыҡ-ара жюри «Көмөш Аҡбуҙат» Гран-прийы, «Иң яҡшы тулы метражлы уйын фильмы сценарийы өсөн», «Тулы метражлы уйын фильмында иң яҡшы режиссерлыҡ эше өсөн», «Тулы метражлы уйын фильмында иң яҡшы операторлыҡ эше өсөн», «Иң яҡшы ҡыҫҡа метражлы уйын фильмы сценарийы өсөн», «Ҡыҫҡа метражлы уйын фильмында иң яҡшы режиссерлыҡ эше өсөн», «Ҡыҫҡа метражлы уйын фильмында иң яҡшы операторлыҡ эше өсөн», «Документаль фильмда иң яҡшы режиссерлыҡ эше өсөн», «Документаль фильмда иң яҡшы операторлыҡ эше өсөн», «Иң яҡшы документаль фильм геройы» өсөн приздар тапшыра.

Шулай уҡ махсус приздар ҡаралған, улар иҫәбендә тамашасылар һөйөүе, Башҡортостан Кинематографистар союзының Әмир Абдразаҡов исемендәге милли рух өсөн һәм Ғилуан Әмиров исемендәге операторлыҡ сәнғәте өсөн приздары бар.

Кинофестивалде ойоштороусылар: Башҡортостан Хөкүмәте, Мәҙәниәт министрлығы, Өфө хакимиәте булышлығында «Башҡортостан» киностудияһы.

#кинофестиваль #башҡорт киноһы #көмөш аҡбуҙат

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.