I «Биир Кун» телевизион этно-поп йыр конкурсында Башҡортостан исеменән Мәскәү ҡыҙы Әлфиә Ниғмәтуллина сығыш яһай

IMPORT Сервисный

ӨФӨ, 2017 йыл, 7 ноябрь. /«Башинформ» мәғлүмәт агентлығы, Ләйлә Аралбаева/. I «Биир Кун» телевизион төбәк-ара этно-поп йыр конкурсында Башҡортостан исеменән Мәскәү ҡыҙы Әлфиә Ниғмәтуллина сығыш яһай. Конкурс 21 ноябрҙә Яҡутстанда уҙа. Унда 11 төбәк ҡатнаша.

Беренсе этапта — 2017 йылдың 21-25 ноябрендә телевизион версия яҙҙырыла, икенсеһендә — 2018 йылдың 15-18 февралендә финал һәм бүләкләү була.

Бөтә илдәр һәм төбәктәр телевидениеһында бер үк ваҡытта 2018 йылдың 15-11 февралендә артистар төркөмөнөң конкурс сығыштарын күрһәтеү ҡаралған. Программаның эфиры — бер ай буйына аҙнаһына биш тапҡыр. Конкурсанттар араһынан еңеүселәрҙе компетентлы жюри, шулай уҡ тамашасылар смс-тауыш биреү юлы менән билдәләй.

Башҡортостанда «Туған тел» музыкаль телеканалы конкурсты күрһәтеү хоҡуғына эйә. Һәр аҙна тауыш биреүгә йомғаҡ яһала.

«Биир Кун» конкурсында республикабыҙ исеменән ҡатнашҡан йырсы Әлфиә Ниғмәтуллина өс йәшенән сәхнәлә йырлай, музыка менән профессиональ шөғөлләнә. Ул бындай бәйгелә тәүгә ҡатнашмай. 2014 йылда — «Zaman» этно-төркөмө солисы. Ул саҡта коллектив, Башҡортостан Республикаһы исеменән сығыш яһап, «Turkvision» телевизион конкурсында 25 ил араһында өсөнсө урын яулағайны. Әлфиә — Рәсәйҙә һәм Европала бөтә Рәсәй, халыҡ-ара конкурс-фестивалдәр лауреаты, Башҡортостан Мәҙәниәт министрлығының почет грамотаһына эйә.

Хәҙер Әлфиә Ниғмәтуллина — үҙенең «Nigma» музыкаль этно-проекты солисы һәм етәксеһе. Ул башҡорт һәм татар телдәрендә үҙенсәлекле аранжировкаларҙа автор һәм халыҡ йырҙарын башҡара, шулай уҡ танылған башҡорт композиторҙары һәм шағирҙары менән хеҙмәттәшлек итә.

#этно-музыка

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.