Рөстәм Хәмитов «Йатаған» башҡорт этно-төркөмө етәксеһе менән осрашты

Олег Яровиков

IMPORT Сервисный

ӨФӨ, 2017 йыл, 1 ноябрь. /«Башинформ» мәғлүмәт агентлығы/. Башҡортостан башлығы Рөстәм Хәмитов граждандарҙы ҡабул итте. «Йатаған» башҡорт этно-төркөмө етәксеһе Илдар Шакиров уға музыкаль коллективты үҫтереү өсөн ярҙам күрһәтеү мөрәжәғәтен еткерҙе.

«Йатаған» төркөмөн республика халыҡтарының этник музыкаһын һаҡлау һәм популярлаштырыу маҡсатында 2014 йылда З. Исмәғилев исемендәге Өфө дәүләт сәнғәт академияһын тамамлаусылар ойошторған. Коллектив үҙенең композицияларын заманса аранжировкалар менән бергә эксклюзив башҡорт халыҡ уйын ҡоралдарында, шул иҫәптән ятағанда, ҡыл-ҡумыҙҙа, ҡумыҙҙа, ҡурайҙа, думбырала, бишҡылда, донъялағы башҡа халыҡтарҙың инструменттарында башҡара.

«Йатаған» төрлө халыҡ-ара конкурстарҙа һәм фестивалдәрҙә республика исеменән сығыш яһай. Быйыл коллектив «Себер донъяһы» халыҡ-ара этник музыка һәм һөнәрҙәр фестивалендә «Инструменталь ансамбль» номинацияһында лауреат исемен алды. Яңыраҡ ҡына төркөмдөң рәсми альбомы сыҡты, уны интернет-платформалар ярҙамында ла таратыу күҙаллана.

Илдар Шакиров коллективтың боронғо төрки уйын ҡоралы – ятаған – хөрмәтенә аталғанын һөйләне. Ул көснәгә (гусли) һәм япондарҙың котоһына оҡшаш. «Йатаған» ансамблендә ул сай көйөнсә яңғырай. Республика башлығы инструменттың төҙөлөшө менән ҡыҙыҡһынды һәм унда уйнап ҡараны.

– Мин һеҙҙе тәүге тапҡыр ике йыл элек күргәйнем, һеҙҙе күҙәтеп барам, концерттарҙа тыңлайым, – тине Рөстәм Хәмитов. – Яңғырашығыҙ бик оҡшай.

Төбәк етәксеһе Башҡортостан халыҡтарының милли музыкаһын үҫтереүҙең мөһимлеген билдәләне һәм республика Хөкүмәте вице-премьеры Салауат Сәғитовҡа музыкаль төркөмгә ярҙам күрһәтеү варианттарын әҙерләргә ҡушты.

1 из 3

#башҡортостан башлығы #граждандарҙы ҡабул итеү #музыка

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.