Халыҡ-ара проектта йырсы Айтуған Ғәйзуллинды Башҡортостандың символы тип атанылар

ӨФӨ, 2017 йыл, 6 октябрь. /«Башинформ» мәғлүмәт агентлығы, Ләйлә Аралбаева/. Башҡорт эстрадаһы йырсыһы Айтуған Ғәйзуллин 31-се «I'm a singer Kazakhstan» каналының халыҡ-ара телепроектында ҡатнашты. Билдәле булыуынса, уны алты илдән өс мең башҡарыусы араһынан һайлап алғандар, һәм ул Башҡортостандан берҙән-бер вәкил булды.

Ҡаҙағстанда үткән бәйгелә Айтуған «Уралым» йырын заманса аранжировка менән башҡарҙы. Баһалама ағзалары һәм тамашасылар сығышты һоҡланып тыңланы, ә коллегалары хөрмәтләп, Айтуған Башҡортостандың символы булып тора, тине. Жюри вәкилдәре Айтуған йырлаған саҡта тарихтың күҙ алдынан үтеүен, уның оҫталығын билдәләне.

Икенсе турҙың йомғаҡтары буйынса Айтуған иң яҡшы башҡарыусы тип танылды. Йырсы ноябрь-декабрь айҙарында ярымфиналда сығыш яһай.

Үҙенең сығышы алдынан Айтуған тыуған Аҡтау ҡалаһына килеүенә шатланыуын белдерҙе. Сюжетта йырсының ғаиләһе, атаһы — билдәле музыкант, Рәсәйҙең атҡаҙанған, Башҡортостандың халыҡ артисы Рәмил Ғәйзуллин хаҡында ентеклерәк һөйләнелә.

«Мин, атайым кеүек үк, балаларымдың эшемде дауам итеүҙәре һәм шундай ҙур сараларҙа сығыш яһауҙары менән ғорурланам. «Уралым» йырының интерпретацияһын бергәләп эшләнек», — тип хәбәр итте Рәмил Ғәйзуллин.

Теги:башҡорт йырҙары телепроекттар

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».