Кесе йома, 16 Апрель 2026

Өфө

+13 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Мәҙәниәт

02:30 (UTC+5), 21 Сентябрь 2017

Башҡорт яҙыусыһы-сатирик Марсель Сәлимов Әстерханда Халыҡ-ара әҙәбиәт фестивале лауреаты булды

Рөстәм Шәрипов

Алик Шакиров

ӨФӨ, 2017 йыл, 21 сентябрь. /«Башинформ» мәғлүмәт агентлығы, Алик Шакиров/. Әстерханда «Киттек! Әстерханға!» халыҡ-ара әҙәбиәт фестивале уҙҙы, унда Рәсәйҙең һәм сит илдәрҙең күренекле яҙыусылары, шағирҙары һәм публицистар ҡатнашты. Республикабыҙҙан башҡорт сатиригы, бихисап халыҡ-ара һәм бөтә Рәсәй ижади фестивалдәре лауреаты Марсель Сәлимов (Мар. Сәлим) булды.

Каспий буйында ошо мауыҡтырғыс мәҙәни сараны Әстерхан өлкәһе губернаторы хакимиәте, Мәҙәниәт министрлығы һәм Әстерхан казак ғәскәре булышлығында Интернациональ Яҙыусылар һәм журналистар союзы, Фантастик әҙәбиәт һәм кино эшмәкәрҙәре союзы, «Шико» һәм «Аэлита» нәшриәт йорттары, «Рәсәй ҡыңғырауы» журналы редакцияһы ойошторҙо.

Славян фентези жанрында «Волкодав» бестселлеры авторы Санкт-Петербургтан Мария Семенова төп саҡырылған ҡунаҡ булды. Шулай уҡ конвентта Интернациональ Яҙыусылар һәм журналистар союзы идараһы рәйесе, драматург һәм продюсер Александр Гриценко, «Бойондороҡһоҙ гәзит»кә әҙәби ҡушымтаның яуаплы мөхәррире урынбаҫары, шағир һәм тәнҡитсе Андрей Щербак-Жуков, Петербург яҙыусыһы Саша Кругосветов, шулай уҡ Әстерхандың ҡаурый оҫталары – яҙыусы-фантаст һәм шағир Андрей Белянин һәм яҙыусы, публицист, аҙна һайын сыҡҡан «Әҙәби гәзит»тең даими авторы Юрий Никитин ҡатнашты.

Фестиваль программаһы бай булды: әҙәби конкурстар, концерттар, яҙыусыларҙың сығыштары, шиғри уҡыуҙар, оҫталыҡ дәрестәре, йәш авторҙар өсөн семинарҙар. Ҡунаҡтар өсөн Әстерхан кремленә, Велимир Хлебниковтың йорт-музейына, теплоходта Волга буйлап экскурсиялар ойошторолдо.

«Мин Волга буйындағы ошо иҫ киткес ҡалала тәүгә булдым, бөтәһе лә оҡшаны, — тип һөйләне «Башинформ» агентлығына Марсель Сәлимов. — Фестивалде ойоштороусылар беҙгә, яҙыусылар өсөн генә түгел, ә уҡыусылар, бөтә әстерхандар, китап уҡырға яратыусылар өсөн ысын байрам ойошторҙо. Нәҡ ошондай кешеләр өсөн мин Крупский исемендәге өлкә ғилми китапханаһына һәм Шаховский исемендәге йәштәр китапханаһына үҙемдең китаптарымды тапшырҙым да».

Әҙәби сараларҙа үҙенең сығыш һөҙөмтәләре буйынса билдәле башҡорт юморисы халыҡ-ара фестивалдең лауреаты булды. «Ата-бабалар иҫтәлеге» шиғри конкурсында ҡатнашып, Марсель Сәлимов «Үткер юмор өсөн» тигән махсус бүләк менән баһаланды.

1 из 10

#әҙәби фестиваль

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.