Башҡортостан солисы Елена Образцованың йәш опера йырсылары конкурсында өсөнсө урынды алды

шәхси архивтан

ӨФӨ, 2017 йыл, 18 сентябрь. /«Башинформ» мәғлүмәт агентлығы, Әлфиә Әғлиуллина/. Ошо көндәрҙә Санкт-Петербургта, Дмитрий Шостакович исемендәге филармонияның Ҙур залында XI Елена Образцованың йәш опера йырсылары халыҡ-ара конкурсы еңеүселәрен бүләкләү тантанаһы үтте.

Башҡорт дәүләт опера һәм балет театры солисы Диләрә Иҙрисова Санкт-Петербургтан Анастасия Донец менән абруйлы өсөнсө урынды бүлеште, тип хәбәр итә «Башҡортостандың мәҙәни донъяһы» порталы. Беренсе премияға Тбилиси консерваторияһын тамамлаған грузин басы, Рәсәйҙең Ҙур театры солисы Годердзи Джанелидзе лайыҡ булды.

Финалға биш илдән 15 конкурсант үтте. Улар Михаил Синькевич етәкселегендәге Мария театры оркестры оҙатыуында классик репертуарҙан берешәр ария башҡарҙы. Конкурста бөтәһе донъяның 21 иленән 18-32 йәшлек 184 йырсы ҡатнашты.

Былтыр Елена Образцованың конкурсы Донъяуи халыҡ-ара конкурстар федерацияһы ағзаһы булды. Ғәҙәттәгесә ул йырсының тыуған ҡалаһы Санкт-Петербургта ике йылға бер тапҡыр уҙғарыла. Киләһе конкурс 2019 йылда ойошторола, унда Елена Образцованың тыуыуына 90 йыл тулыуҙы билдәләү ҡаралған.

Белешмә. Диләрә Иҙрисова — «Онегин» тәүге милли опера премияһының «Дебют» номинацияһы лауреаты (Г.Ф. Генделдең «Геракл» спектаклендә Иола роле өсөн, 2016), «Алтын битлек» Рәсәй милли театр премияһы лауреаты (2017). ЮНЕСКО-ның Штаб-фатирында Башҡортостан менән таныштырыу концертында сығыш яһаны (Париж, 2013). Версаль, Амстердамда «Концертгебау», Краковта Конгресс-холл, Бад Лаухштадтта Гендель фестивале (Германия), Венала Ан дер Вин театры, Мадридта Auditorio Nacional, Мюнхенда Гастайг филармонияһы сәхнәләрен яулаған.

#опера #опера йырсылары конкурсы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.