Республика фотографтарын «Вики һәйкәлдәр ярата» халыҡ-ара конкурсында ҡатнашырға саҡыралар

«Башинформ» мәғлүмәт агентлығы

IMPORT Сервисный

ӨФӨ, 2017 йыл, 4 сентябрь. /«Башинформ» мәғлүмәт агентлығы, Әлим Фәйезов/. 2017 йылдың 1-30 сентябрендә сираттағы «Вики һәйкәлдәр ярата» халыҡ-ара фотоконкурсы үткәрелә.

Был бәйге 2010 йылдан алып ойошторола һәм иң күп кеше ҡатнашҡан фотоконкурс булараҡ Гиннестың рекордтар китабына индерелгән. Быйыл унда 54 илдең вәкилдәре ҡатнаша. Рәсәйҙә уны «Яндекс нәшриәте» булышлығында Викигид ирекле белешмәләр проекты менән берлектә «Викимедиа РУ» коммерцияға ҡарамаған партнерлыҡ уҙғара. Еңеүселәргә иң яҡшы фотоһүрәттәр өсөн аҡсалата, шул иҫәптән «заманса һәйкәлдәр» йәки «хәүеф янаған мәҙәни мираҫ» тигән тематик приздар тапшырыла. Шулай уҡ еңеүселәр «CityPass в России» компанияһының CityPass туристик карталары менән бүләкләнә.

Конкурста ҡатнашыу өсөн кәрәкле төбәктең һәйкәлдәр исемлеген табып, унда күрһәтелгән теләһә ниндәй объектты фотоға төшөрөү һәм исемлектәге һылтанмалар буйлап һалыу зарур. Һәйкәлдәргә бөтә мәҙәни мираҫ объекттары — тарихи биналар (архитектура һәйкәлдәре), скульптуралар, шулай уҡ археологик һәйкәлдәр ҡарай.

«Фотоконкурстың маҡсаты бер нисә: мәҙәни мираҫ объекттары тураһында мәғлүмәт йыйыу, уларҙың торошон белеү һәм документҡа яҙып ҡуйыу, шулай уҡ ҡатнашыусыларға Рәсәйҙең һәр төбәгендә күпме ҡыҙыҡлы нәмәләр булыуын күрһәтеү. Башҡортостан Республикаһы ла бынан ситтә ҡалмай. Беҙҙең баһалауҙар буйынса, унда 2500-ҙән ашыу мәҙәни мираҫ объекттары бар, Өфөлә генә 800-гә яҡын, һәм уларҙың күбеһе аҙ билдәле. Википедия — бөтә донъялағы ҡатнашыусыларҙы бергә туплаған халыҡ-ара проект. Конкурсҡа ебәрелгән фотоһүрәттәр Википедияға Башҡортостан тарихы, республиканың ҙур туристик ҡеүәте хаҡында мәғлүмәт йыйырға ярҙам итәсәк», — тип һөйләне «Башинформ» агентлығына конкурсты ойоштороусыларҙың береһе, Викигид проекты администраторы Александр Цирлин.

#википедия #фотоконкурс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.