Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
31 Июль 2017, 08:14

Радик Юлъяҡшин – Башҡортостандың атҡаҙанған артисы

автор
автор
ӨФӨ, 2017 йыл, 31 июль. /«Башинформ» мәғлүмәт агентлығы, Дарья Петрова/. Башҡорт эстрадаһының популяр йырсыһы Башҡортостандың атҡаҙанған артисы исемен алды. Баймаҡ районының Граф күле буйында үткән Башҡорт йәштәре йыйынында указға ҡул ҡуйылыуы хаҡында билдәле булды.
Яратҡан артисты ҡарарға тиҫтәләгән мең кеше йыйылды, ә сығышы сәғәт ярымдан ашыу дауам итте. Йырҙарының бер өлөшөн Радик Юлъяҡшин Ион Румыния музыканты менән бергәләп йырланы. Иондан тыш, концертта Zainetdin этно-шоу проекты, «Ҡарауан» төркөмө, Мәскәүҙән «Zаман» этно-проекты һәм башҡалар ҡатнашты.
Йыйынды ябыуҙа ситтән тороп һәм көн дауамында уҙғарылған конкурстарға: грэпплинг, көрәш буйынса ярыштарға, шәжәрә, йәш егеттәр араһында «Урал бөркөтө», «Зап-заманса-2017» заманса башҡорт костюмы конкурстарына йомғаҡ яһалды. Баймаҡ районы командаһы этноквеста еңеүсе булып сыҡты – нәҡ ошо ҡыҙҙар һәм егеттәр бөтә ярыш йомғаҡтары буйынса иң күп балл йыйҙы.
Сара дискотека менән тамамланды, ул төнгә тиклем дауам итте.
Хәтерегеҙгә төшөрәбеҙ, Башҡорт йәштәре йыйыны 29 июлдә үтте. Байрам республиканың төрлө райондарынан, шулай уҡ Силәбе, Ырымбур, Һарытау өлкәләренән, Татарстандан, Ханты-Манси автономиялы округынан һәм башҡа төбәктәрҙән 50-ләгән команданы йыйҙы.
Автор:Дарья Петрова
Читайте нас: