81.14
0
Башҡортостан һәм Өфө яңылыҡтары
92.22
0
67.96
+2.11
15+ °C
Ямғыр
Бөтә яңылыҡтар
Мәҙәниәт
20 Июль 2017, 15:16
«Башҡортостандың яратҡан рәссамдары» халыҡ рейтингы популярлыҡ яулай бара
ӨФӨ, 2017 йыл, 20 июль. /«Башинформ» мәғлүмәт агентлығы, Әлфиә Әғлиуллина/. #Башҡортостандың яратҡан рәссамдары халыҡ рейтингы популярлыҡ яулай бара. 1 июлдән алып проекттың рәсми сайтын 100 меңдән ашыу тапҡыр ҡарағандар. Сайтҡа биш меңдән ашыу кеше ингән. 20 көн эсендә онлайн-галереяла 645 картина ҡуйылған. Конкурста бөтә республиканан 136 рәссам ҡатнаша.
Ошо ваҡыт арауығында лидерҙар ҙа билдәләнгән. Мәҫәлән, «Оҫта» номинацияһында Елена Веревкина иң күп тауыш йыйған, «Легенда» категорияһында беренсе урында — Леонид Круль, «Актуаль сәнғәт» номинацияһында иң популяры — Гөлшат Суфиянова, «Самородоктар» араһында Гөлнара Ғәлимова күп «лайк» йыйған.
Ойоштороусылар әйтеүенсә, яратҡан рәссамдары өсөн республика халҡы ғына түгел, Канадала һәм Мексикала йәшәгән ватандаштар ҙа тауыш бирә.
Тауыш биреү эштәрҙе ҡабул итеү менән бергә бара. Рәссамдар хәҙер ҙә проектҡа ҡушыла ала. Эштәрҙе үҙаллы урынлаштырырға мөмкин.
«Башҡортостандың яратҡан рәссамдары» проекты халыҡ рейтингын төҙөү өсөн төбәктәге бөтә рәссамдарҙың эштәрен берләштереүгә йүнәлтелгән. Тауыш биреү йомғаҡтары буйынса китап-альбом донъя күрәсәк.
«Китап сығарыу хаҡында уйлағанда минең идеям ошондай ҙур проектҡа әүерелер тип көтмәгәйнем. Ошо эштә республикалағы бик күп һоҡланғыс кешеләр ярҙам итә. Конкурстың идеяһы — яҡташтарыбыҙҙың эштәрен популярлаштырыу. Бынан тыш, интернет ярҙамында рейтинг тыуған төйәгебеҙҙе унан ситтә лә танытырға мөмкинлек бирер тип ышанабыҙ», — ти проекттың авторы Наил Мәхмүтов.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».