Баш ҡалала өсөнсө тапҡыр «Владимир Спиваков саҡыра…» фестивале уҙғарыла

ӨФӨ, 2017 йыл, 20 июль. /«Башинформ» мәғлүмәт агентлығы, Әлфиә Әғлиуллина/. Баш ҡалала өсөнсө тапҡыр «Владимир Спиваков саҡыра…» фестивале уҙғарыла. Маэстро «Башҡортостан» дәүләт концерт залы сәхнәһендә 14-16 сентябрҙә сығыш яһай. Йола буйынса, Владимир Спиваков етәкселегендәге Рәсәйҙең Милли симфоник оркестры концертында йәш таланттар — күп һанлы халыҡ-ара конкурс лауреаттары ҡатнаша.

14 сентябрҙә тамашасылар алдында Япониянан 9 йәшлек пианистка Шио Окуи һәм Швециянан 16 йәшлек скрипкасы Даниэль Лозакович сығыш яһай.

Фестивалдең икенсе көнөндә, 15 сентябрҙә, Өфөнән йәш пианист Тимофей Владимиров менән осрашыу ҡаралған.

Һуңғы көндә тамашасыларға Чарли Чаплиндың «Малыш» фильмы күрһәтелә. Солист — илдәге танылған музыкант, борғосо һәм алып барыусы Вадим Эйленкриг.

Тәүге «Владимир Спиваков саҡыра…» халыҡ-ара фестивале Өфөлә 2015 йылдың сентябрендә үтте. Рәсәйҙә һәм сит илдәрҙәге байтаҡ ҡалаларҙа уҙғарылған музыкаль проект республика башлығы Рөстәм Хәмитовтың булышлығы менән ойошторолдо. Быйыл сығышы менән Өфөнән булған маэстро Владимир Спиваковҡа ҡаланың Почетлы гражданины исеме бирелде.

Теги:владимир спиваков

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».