«Башҡорт йәштәре дуҫтарын йыя» форумы «Арғымаҡ» төркөмөнөң концерты менән тамамланды

ӨФӨ, 2017 йыл, 3 июль. /«Башинформ» мәғлүмәт агентлығы, Дарья Петрова/. 1 июлдә Илеш районының Үрге Йәркәй ауылында Бөтә донъя башҡорттары ҡоролтайы Башҡарма комитеты, Илеш районы хакимиәте һәм Башҡортостан Мәҙәниәт министрлығы ойошторған «Башҡорт йәштәре дуҫтарын йыя» икенсе милләт-ара асыҡ форумы үҙ эшен тамамланы. Унда республиканың 36 районынан 300-ҙән ашыу кеше ҡатнашты.

Ике көнлөк программаны байрам шоуы тамамланы. Иң тәүҙә тамашасылар «Йәшлек моңо-2017» төбәк-ара йәш башҡарыусылар конкурсының гала-концертын ҡарай алды. Йәш йондоҙҙарҙың сығыштары менән бер үк ваҡытта форум – спорт ярыштары һәм шәжәрә конкурсы еңеүселәрен һәм ҡатнашыусыларҙы бүләкләү үтте. «Арғымаҡ» этно-рок төркөмөнөң һәм күп музыка ҡоралдарында уйнаусы Заһир Зәйнетдиновтың сығышы сара ҡунаҡтары өсөн төп бүләк булды. Тамашасылар музыканттарҙы шул тиклем ҡайнар алҡышланы, хатта сәхнәнән ебәрергә теләмәй уларҙы бер нисә ҡабат яңынан уйнауҙарын һораны.

Киләһе, өсөнсө, форум Салауат районында үтәсәк. Илеш районы башлығы Илдар Мостафин тантаналы шарттарҙа эстафетаны Марс Кашаповҡа тапшырҙы.