Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Мәҙәниәт
23 Июнь 2017, 16:32
Рөстәм Хәмитов һәм Алмазбәк Атамбаев Археология һәм этнография музейында булды
Башҡортостан Башлығының матбуғат хеҙмәте
ӨФӨ, 2017 йыл, 23 июнь. /«Башинформ» мәғлүмәт агентлығы/. Башҡортостан Башлығы Рөстәм Хәмитов һәм Рәсәйгә дәүләт сәфәре менән килгән Ҡырғыҙ Республикаһы Президенты Алмазбәк Атамбаев Раил Кузеев исемендәге Этнологик тикшеренеүҙәр институтының Археология һәм этнография музейында булды.
Рөстәм Хәмитов һәм Алмазбәк Атамбаев Көньяҡ Уралдың археологияһына, башҡорттарҙың һәм республикалағы башҡа халыҡтарҙың биҙәү-ҡулланма ижадына арналған экспозициялар менән танышты, сармат алтынының үҙенсәлекле коллекцияһын ҡараны. Музейҙағы экспонаттар башҡорт һәм ҡырғыҙ мәҙәниәттәренең ҡәрҙәшлеген, уларҙың боронғо Алтай цивилизацияһына барып тоташҡан дөйөм тамырҙарын һыҙыҡ өҫтөнә ала, тип билдәләне Ҡырғыҙстан Президенты.
Алмазбәк Атамбаев музейға кейеҙҙән Ҡырғыҙстан тәбиғәте төшөрөлгән картина тапшырҙы.
Рөстәм Хәмитов Ҡырғыҙстан Президентына Башҡортостанға сәфәр хаҡында иҫтәлеккә «Манас» героик эпосының башҡорт телендәге тәүге баҫмаһын бүләк итте. Ҡырғыҙ халҡының ауыҙ-тел ижадының күренекле ҡомартҡыһы «Китап» нәшриәтендә баҫылған. Тәржемәне Рәсәй Фәндәр академияһының Өфө ғилми үҙәге Тарих, тел һәм әҙәбиәт институты хеҙмәткәрҙәренең ижади коллективы башҡарған. Алмазбәк Атамбаев Башҡортостан Башлығына баһалап бөткөһөҙ бүләк өсөн рәхмәт белдерҙе һәм яҡын арала башҡорттарҙың «Урал батыр» эпосы ҡырғыҙ теленә тәржемә ителәсәген билдәләне.
Теги:
музейҙар
халыҡ-ара хеҙмәттәшлек
Читайте нас: