Шаршамбы, 15 Апрель 2026
|
Өфө
+17 °С
06:43 (UTC+5), 15 Июнь 2017
Илдар Абдразаҡов Парижда оҫталыҡ дәресе үткәрә
Ләйлә Аралбаева
ӨФӨ, 2017 йыл, 15 июнь. /«Башинформ» мәғлүмәт агентлығы, Ләйлә Аралбаева /. Бөтә донъяға билдәле бас, яҡташыбыҙ Илдар Абдразаҡов Парижда академик вокал буйынса оҫталыҡ дәрестәре уҙғара. 14, 15 һәм 17 июндә йырсы Париж операһы ҡарамағындағы Йәш йырсылар академияһында үҙенең оҫталыҡ серҙәре менән уртаҡлаша.
Был миҙгелдә программа буйынса Франциянан, Болгариянан, Рәсәйҙән һәм Гватемаланан 10 йәш йырсы шөғөлләнә. Уҙған көндө Илдар Абдразаҡов бөтә донъяның төрлө опера сәхнәләрендә сығыш яһаған бай тәжрибәһе менән уртаҡлашты, итальян стиленең үҙенсәлектәре тураһында һөйләне һәм иртәгәгә студенттарға өйгә эш бирҙе.
«Көндө йәш йырсылар менән уҙғарҙым. Энергиялары ташып торған, теремек, ниҙер эҙләүсе һәйбәт кешеләр. Хоҙай уларға яҡшы остаздар һәм дөрөҫ аҙымдар бирһен. Иртәгә дауам итербеҙ!» — тип яҙҙы социаль селтәрҙә Илдар Абдразаҡов.
Хәтерегеҙгә төшөрәбеҙ, танылған йырсы һәләтле йәштәргә даими ярҙам итеп тора. Ул Елена Образцованың халыҡ-ара музыка академияһының художество етәксеһе. Опера йондоҙо сәнғәт һәм халыҡ-ара мәҙәни бәйләнештәрҙе үҫтереү өлкәһендә йәш таланттарға ярҙам итеү һәм уларҙы танытыу фондын етәкләй.
© 1992-2026 АО ИА «Башинформ».
www.bashinform.ru
www.bashinform.ru
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».