Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
15 Июнь 2017, 12:00

Өфөлә үҙ ғүмеренә ҡул һалыусылар хаҡында спектакль әҙерләйҙәр

ӨФӨ, 2017 йыл, 15 июнь. /«Башинформ» мәғлүмәт агентлығы, Ләйлә Аралбаева/. Өфөлә М. Кәрим исемендәге Милли йәштәр театрының рус труппаһы Николай Эрдмандың пьесаһы буйынса «Үҙ-үҙен үлтереүсе» спектакленең репетицияларына тотондо. Премьера ноябрҙең тәүге яртыһына билдәләнгән. Популяр пьесаны Йәштәр театрының художество етәксеһе Мөсәлим Күлбаев сәхнәләштерә.
«Үҙ-үҙен үлтереүсе» пьесаһы, үҙенең исеменә ҡарамаҫтан, ысын комедия. Сәйер, мәғәнәһеҙ, ғәҙәти булмаған хәлдәр тамашаны фантасмагорияға әүерелдерә.
«Беҙ эш өсөн йәнә етди материал алдыҡ. Николай Эрдмандың пьесаһы кешелекте ҡаплаған мәҙәниәтлелек шекәрәһенең ни тиклем йоҡа икәнлеген тағы тапҡыр раҫлай. Һүҙҙәребеҙ һәм эштәребеҙҙең мөмкин булған мәғәнәһеҙлегенән ҡурҡыу өсөн уны аҙ ғына күтәрергә кәрәк», – ти Мөсәлим Күлбаев.
Әҫәрҙең тексында датаға тура күрһәтмә юҡлығына ҡарамаҫтан, спектаклде 1917 йылғы Октябрь революцияһы ҡорбандары иҫтәлегенә арнарға булдыҡ, тип хәбәр итте театрҙың матбуғат секретары Дарья Ольхова.
Спектаклдә ролдәрҙе Евгений Лопатин, Элина Гусева, Зарема Сейтмеметова, Андрей Ганичев, Александра Комарова, Людмила Воротникова, Андрей Шрайнер, Азат Маликов, Марат Ҡорбанғәлиев, Линар Әхмәтвәлиев, Марат Сәйфуллин, Ольга Мусина, Эльвира Шрайнер, Любовь Никитина, Тигран Довлатбекян, Юлия Ныркова, Иванна Калмыкова, Дмитрий Гусев, Ильяс Хәсәншин башҡара.
Читайте нас: