Башҡортостан һәм Өфө яңылыҡтары
93.44
0
99.73
0
90.21
-0.33
2+ °C
Болотло
Бөтә яңылыҡтар
Мәҙәниәт
9 Июнь 2017, 16:56

«Башҡорт йәштәре дуҫтарын йыя» асыҡ форумын уҙғарыу урыны билдәле булды

ӨФӨ, 2017 йыл, 9 июнь. /«Башинформ» мәғлүмәт агентлығы, Ләйлә Аралбаева/. Быйыл «Башҡорт йәштәре дуҫтарын йыя» асыҡ форумын республиканың Илеш районы ҡабул итә. 30 июндән алып 2 июлгә тиклем үтәсәк йыйынға Башҡортостандың һәм күрше төбәктәрҙең йәштәре саҡырылған.
Бөтә донъя башҡорттары ҡоролтайы Башҡарма комитетының матбуғат хеҙмәтендә хәбәр итеүҙәренсә, форумдың программаһында мәғариф, ижади һәм спорт майҙансыҡтарының эше ҡаралған. Өфө спикерҙары тарих, мәҙәниәт һәм башҡорт халҡының килеп сығышы темаларына сығыш яһаясаҡ. Шулай уҡ шәхси үҫеш, шәхес тәрбиәләү тренингтары планлаштырыла. Форумды башҡорт эстрадаһы йондоҙҙарының сағыу концерты биҙәйәсәк. Форумдың эше дискотека менән тамамланасаҡ.
Сараның маҡсаты – йәштәрҙе туплау, төрлө йүнәлештәрҙә тәжрибә алмашыу, төбәк-ара бәйләнештәрҙе нығытыу, милли мәҙәниәтте һәм башҡорт халҡының рухи-әхлаҡи ҡиммәттәрен пропагандалау, халыҡтар араһындағы дуҫлыҡты нығытыу. Форумды ойоштороусылар – Бөтә донъя башҡорттары ҡоролтайының Башҡарма комитеты, Башҡортостандың «Йәш гвардияһы», Илеш районы хакимиәте.
Читайте нас: