Өфөләрҙе журналист Нина Жиленконың юбилейы айҡанлы ойошторолған концертҡа саҡыралар

ӨФӨ, 2017 йыл, 11 май. /«Башинформ» мәғлүмәт агентлығы, Ләйлә Аралбаева/. Башҡортостандың атҡаҙанған мәҙәниәт хеҙмәткәре, музыкаль журналист Нина Жиленко үҙенең юбилейын билдәләй. 13 майҙа өфөләрҙе Башҡорт дәүләт опера һәм балет театрында «Продлись, продлись, очарованье!» тигән байрам концертына саҡыралар.

Нина Жиленко – «Башҡорт балеты гран-паһы» исемле китап, артистар һәм театр постановкалары тураһында ихлас күңелдән яҙылған байтаҡ мәҡәләләр һәм очерктар авторы. Камера-вокал музыка концерттарының алып барыусыһы булараҡ 1998 йылдан «Музыкаль ҡунаҡ бүлмәһе» проекты сиктәрендә ул йыш ҡына спектаклдәр алдынан сығыш яһай, әҫәрҙәр, уларҙы яҙыусылар һәм артистар, театр, опера һәм балет сәнғәте тарихы тураһында тамашасыларға үҙенең белеме менән уртаҡлаша. Нина Жиленко Өфөлә Шаляпин үҙәге сығанағында торҙо.

Тамашасылар Өфө мәҙәниәт һәм сәнғәт эшмәкәрҙәренең сағыу музыка номерҙарынан һәм ҡотлауҙарынан торған программаны ҡарай аласаҡ. Төрлө стилдәге һәм йүнәлештәге әҫәрҙәр яңғыраясаҡ. Юбилярҙы Рәсәйҙең һәм Башҡортостандың атҡаҙанған һәм халыҡ артистары, халыҡ-ара һәм бөтә Рәсәй конкурстары лауреаттары Салауат Асҡаров, Раил Кучуков, Галина Бутолина, Хәмид Ишбулдин, Фәнәүи Сәлихов, Марат Шәрипов, Татьяна Никанорова, Татьяна Мамедова, Йәмил Әбделмәнов, Руслан Хәбибуллин, Эльвира Фәтихова, Лариса Әхмәтова, Әлим Ҡәйүмов, Любовь Буторина, Резида Әминова, Владимир Копытов, Артур Ҡәйепҡолов, Рим Рәхимов ҡотлаясаҡ. Фортепианола республиканың атҡаҙанған артисы Людмила Коломоец уйнаясаҡ.

Алып барыусылар – Валентина Айшпор һәм Башҡортостандың атҡаҙанған мәҙәниәт хеҙмәткәре Виктория Симонова.