Өфөлә тағы ла бер Хәтер аллеяһы барлыҡҡа килде

ӨФӨ, 2017 йыл, 27 апрель. /«Башинформ» мәғлүмәт агентлығы, Ләйлә Аралбаева/. Өфөлә тағы ла бер сейәле Хәтер аллеяһы барлыҡҡа килде. «Театр яҙы» фестивалендә ҡатнашыусылар «Йәшел сауҡалыҡ» шифаханаһы биләмәһендә ағастар ултыртты. Шишмә районынан акция өсөн махсус рәүештә 30 сейә үҫентеһе килтерелде.

Киләсәктә яҙ һайын бында сейә сәскә атыр, тип ышана акцияны ойоштороусылар. Һәр ағас янында республика театрҙарының исеме яҙылған табличка ҡуйыласаҡ. Ағастарҙы дәүләт һәм «Кармашек», «DeBufo», «The Театр» кеүек шәхси театр вәкилдәре ултыртты. Башҡортостандың Тәбиғәттән файҙаланыу һәм экология министрлығы хеҙмәткәрҙәре лә саранан ситтә ҡалманы.

«ГИТИС-та уҡығанда Мелиховоға Чехов биләмәһенә барып, Халыҡ-ара Чехов фестивале сиктәрендә сейә ағастары ултырта инек. Беҙ ошо идеяны үҙебеҙгә алырға булдыҡ. Ағастарҙы тәрбиәләп тороусылар булған урындарҙы һайлайбыҙ, — тип һөйләне Драматургия һәм режиссура үҙәге етәксеһе Әлиә Яхина. — Сейә үҫентеләрен ултыртыуға тәрән мәғәнә һалынған: киләсәктә драматургтарыбыҙҙың ижад емештәрен күрергә теләйбеҙ».

Экология йылына арналған акцияның ойоштороусылары булып Драматургия һәм режиссура үҙәге һәм Башҡортостандың Театр эшмәкәрҙәре союзы сығыш яһаны. 2015 йылда М. Ғафури исемендәге йорт-музей биләмәһендә ошондай сейәле хәтер аллеяһы ултыртылғайны.

Теги:экологик акция

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».