Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Мәҙәниәт
19 Апрель 2017, 09:54

Санкт-Петербургта Мостай Кәримдең пьесаһы буйынса «Ҡыҙ урлау» спектаклен күрһәттеләр

ӨФӨ, 2017 йыл, 19 апрель. /«Башинформ» мәғлүмәт агентлығы, Ләйлә Аралбаева /. Санкт-Петербургта Мостай Кәримдең пьесаһы буйынса бер үк исемле «Ҡыҙ урлау» музыкаль комедияһын күрһәттеләр. Был «Аманат» үҙешмәкәр театр студияһының икенсе спектакле булды. Мөхәббәт һәм йәшлек тураһындағы тарих тамашасыларҙы әсир итте. Спектаклдең режиссеры – Ләйсән Шөғәйепова. Музыкаль биҙәлеш өҫтөндә Ринат Камалов эшләне. Тауыш режиссеры – Харис Иҙрисов.
«Залда бер буш урын да юҡ ине, үҙешмәкәр артистарыбыҙҙың сығышын ҡарарға теләүселәр шул хәтлем күп булды, хатта өҫтәп ултырғыстар ҡуйырға тура килде. Артистар ҙа үҙ сиратында бөтә көсөн һалып эшләне, тамашасыларҙың һөйөүен яулап алды, — тип һөйләне спектаклде ойоштороусылар. — Хис-тойғоларыбыҙ урғылып сығып килә, барыһы ла уңышлы килеп сыҡҡанға бик шатбыҙ».
Автор:Ләйлә Аралбаева
Читайте нас в