Башҡортостан һәм Өфө яңылыҡтары
90.99
+0.06
98.78
-0.12
83.96
+0.69
11+ °C
Болотло
Бөтә яңылыҡтар
Мәҙәниәт
19 Апрель 2017, 12:08

Ф. Ғәскәров исемендәге халыҡ бейеүҙәре ансамбленең Урал төбәге ҡалалары буйлап гастролдәре тамамланды

ӨФӨ, 2017 йыл, 19 апрель. /«Башинформ» мәғлүмәт агентлығы, Ләйлә Аралбаева/. Ф. Ғәскәров исемендәге дәүләт академия халыҡ бейеүҙәре ансамбленең Урал төбәге ҡалалары буйлап гастролдәре уңышлы тамамланды. Коллектив 10 көн буйына Екатеринбургта, Төмәндә, Сорғотта, Нижневартовскиҙа, Ҡурғанда, Силәбелә, Мейәстә, Златоуста концерттар менән сығыш яһаны. Гастролдәр Башҡортостандың Урал округындағы рәсми вәкиллеге ярҙамында ойошторолдо.
«Тамашасылар республикабыҙ артистарын йылы ҡабул итте. Бөтә концерттар ҙа тиерлек дәррәү алҡыштар менән оҙатылды», — тип һөйләне вәкиллектең матбуғат секретары Михаил Хәбиров.
Силәбелә Башҡорт ҡоролтайының әүҙем ағзалары театр фойеһында башҡорт мәҙәниәте күргәҙмәһен һәм милли ризыҡтарҙы тәмләп ҡарау ойошторғайны. Концертҡа мәҙәниәт колледжы, Мәҙәниәт һәм сәнғәт академияһының хореография факультеттары студенттары килде. Шулай уҡ Башҡортостандың Урал федераль округындағы даими вәкиле Амур Хәбибуллин, Башҡорт ҡоролтайы рәйесе Морис Йосопов, Силәбе һәм Ҡурған мосолмандарының Диниә назараты рәйесе Ринат хәҙрәт Раев бар ине. Силәбе өлкәһе Хөкүмәтенең йәмәғәтселек бәйләнештәре начальнигы Дмитрий Семенов коллективҡа үҙенең ихтирамын белдерергә килгәйне. Ул ансамблдең директоры Филүс Ҡаҙаҡбаевҡа Силәбе өлкәһе губернаторы Борис Дубровскийҙан рәхмәт хаты тапшырҙы.
Читайте нас: