Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
18 Апрель 2017, 14:31

Башҡорт дәүләт университетында Матбуғат фестивале уҙғарыла

ӨФӨ, 2017 йыл, 18 апрель. /«Башинформ» мәғлүмәт агентлығы, Ләйлә Аралбаева/. 19-20 апрелдә Башҡорт дәүләт университетының башҡорт филологияһы һәм журналистика факультетында Матбуғат фестивале уҙғарыла. Сараның маҡсаты — киң мәғлүмәт саралары менән үҙ-ара эш итеүҙе яҡшыртыу, медиабаҙар өсөн сифатлы кадрҙар әҙерләү өсөн көстәрҙе берләштереү.
Программала киң мәғлүмәт саралары вәкилдәре менән осрашыу, билдәле журналистарҙың оҫталыҡ дәрестәре ҡаралған. «Башҡортостан» гәзитенең баш мөхәррире Азамат Юлдашбаев студенттар менән авторлыҡ журналистикаһы мәсьәләләрен тикшерергә ниәтләй. «Башинформ» мәғлүмәт агентлығының баш мөхәррире Артём Вәлиев мәғлүмәт агентлығының яңы проекты менән таныштыра.
Фестиваль барышында «Хәҙерге журналистың портреты: мифтар һәм ысынбарлыҡ» тигән темаға фекер алышыу майҙансығын ойоштороу, шулай уҡ студенттарҙың университет ректоры Николай Морозкин менән интервьюһы, Башҡортостан Яҙыусылар союзының презентацияһы ҡаралған.
«Хеҙмәттәштәремдең фестивалде үткәреү идеяһын күтәреп сыҡҡандары өсөн бик шатмын. «Башҡортостан» телерадиокомпанияһы дәүләт унитар предприятиеһы, «Башҡортостан» ДТРК-һы, «Бөтә Өфө» телеканалы вәкилдәре, бик күп гәзит-журнал мөхәррирҙәре, шулай уҡ ҡайһы бер матбуғат хеҙмәттәре хеҙмәткәрҙәре студенттар менән осрашыу теләген белдерҙе, — ти журналистика кафедраһы мөдире, филология фәндәре кандидаты Рәшиҙә Мәһәҙиева. — Ошо сараның матур йолаға әүерелеүен теләйбеҙ. Киң мәғлүмәт саралары вәкилдәрен һәм буласаҡ журналистарҙы берҙәй борсоған проблемалар байтаҡ».
Читайте нас: