Башҡортостандың Дәүләт академия хор капеллаһына Таһир Сәйфуллиндың исеме бирелде

Ләйлә Аралбаева

ӨФӨ, 2017 йыл, 13 апрель. /«Башинформ» мәғлүмәт агентлығы, Ләйлә Аралбаева/. Башҡортостандың Дәүләт академия хор капеллаһына Таһир Сәйфуллиндың исеме бирелде. Башҡорт дәүләт филармонияһының матбуғат хеҙмәтендә хәбәр итеүҙәренсә, Таһир Сергеевичтың төп емеше – капелланың тыуған көнөнә арналған традицион концерт барышында рәсми рәүештә исем бирелде. Филармонияның Орган залында баш дирижер Алһыу Хәсбиуллинаның художество етәкселегендә ижади коллектив музыкаль бағышлама башҡарҙы.

Сарала А. Блоктың шиғырҙарына Дмитрий Смирновтың «Принявший мир, как звонкий дар…» хор концерты, Таһир Сәйфуллиндың репертуарынан хор әҫәрҙәре, композиторҙарҙың маэстроға бағышланған әҫәрҙәре яңғыраны. Калина Зеленина һәм Алһыу Петренко концертмейстерҙар булды.

Быйыл билдәле башҡорт хормейстеры, Башҡортостан Республикаһының Дәүләт академия хор капеллаһына нигеҙ һалыусы, Башҡортостандың халыҡ артисы, РСФСР-ҙың атҡаҙанған сәнғәт эшмәкәре Таһир Сәйфуллиндың тыуыуына 85 йыл тулды. Дирижерҙың исеме хор коллективының барлыҡҡа килеүе, үҫешеүе һәм күтәрелеүе менән бәйле. Коллектив бына инде 50 йылға яҡын республиканың милли ғорурлығы булып ҡала. Башҡорт хормейстеры етәкселегендә Башҡортостандың хор капеллаһы Рәсәйҙең алдынғы хор коллективтарының береһе булып, республика мәҙәниәтенә уның айырылғыһыҙ өлөшө, хор оҫталығы өлгөһө булараҡ инде.

2014 йылда Өфөлә Таһир Сәйфуллиндың ҡәберенә таҡтаташ ҡуйылды. Ул саҡта һәйкәл ҡуйыу өсөн 100 мең һумдан ашыу аҡсаны Таһир Сәйфуллиндың туғандары, хеҙмәттәштәре, республиканан, Мәскәүҙән һәм башҡа ҡалаларҙан уның ижадын һөйөүселәр йыйҙы.

1 из 5

#хәтер #ижади коллективтар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.