Башҡортостандан йәш йырсы НТВ каналында «Һин супер!» проектының икенсе турына үтте

www.ntv.ru

IMPORT Сервисный

ӨФӨ, 2017 йыл, 20 март. /«Башинформ» мәғлүмәт агентлығы, Эльмира Сабирова/. Мәләүез районының Нөгөш ауылынан 13 йәшлек Иван Южаков НТВ каналында «Һин супер!» халыҡ-ара йыр конкурсының икенсе турына үтте.

Ул Юрий Саульскийҙың Михаил Танич шиғырына яҙылған «Ҡара бесәй» йырын башҡарып, жюри ағзаларын да, тамашасыларҙы ла әсир итте. Опера һәм эстрада йырсыһы Маргарита Суханкина, йырсы Ёлка малайға ҡушылып йырланы, ә композитор һәм музыкаль продюсер Виктор Дробыш һуңғы аккордта серле төймәгә баҫты.

Шулай уҡ ҡатнашыусыларҙың сығышын йырсы Стас Пьеха баһалай.

Конкурсҡа 1,5 мең ғариза килгән, ләкин 100-гә яҡын кеше генә Мәскәүгә һайлап алыу турына эләкте. Уларҙың һәр береһе «Һин супер!» тигәнде ишеткән дә инде.

Иван Южаковты тыуғандан алып өләсәһе тәрбиәләй. Малайҙың әсәһе эсә, атаһы улы тыуғанға тиклем үк үлгән. Ете йәшенә тиклем Иван өләсәһен әсәһе тип уйлаған.

«Үҫтергән һәм тәрбиәләгән, аяҡҡа баҫтырған кешене ысын әсәй тип иҫәпләйем», — ти уҡыусы.

Проект тураһында һөйләгәндә, ул «ата-әсәһен юғалтҡан һәр бала бик теләһә лә үҙен күрһәтә алмай, ә «Һин супер!» проекты күптәргә мөмкинлек бирә» тип билдәләне.

Проект 11 февралдә башланды. Унда ата-әсә ҡарауынан мәхрүм ҡалған балалар — балалар йорттарында, мәктәп-интернаттарҙа, тәрбиәгә алған ғаиләләрҙә тәрбиәләнеүселәр ҡатнаша.

#телепроект #йыр конкурсы #нтв

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.