Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
15 Март 2017, 17:15

Мәскәүҙә Рудольф Нуриев хаҡында бушлай яңы фильм күрһәтелә

ӨФӨ, 2017 йыл, 15 март. /«Башинформ» мәғлүмәт агентлығы, Әлим Фәйезов/. Мәскәүҙә ватандашыбыҙ, 20 быуаттың бөйөк бейеүсеһе һәм хореографы Рудольф Нуриевтың тормошо тураһында тулы метражлы документаль фильм менән таныштырыу сараһы уҙа. Сараны Башҡортостандың Рәсәй Президенты ҡарамағындағы тулы хоҡуҡлы вәкиллеге ойоштора һәм яҡташтарын картина ҡарарға саҡыра. Сюжеттың фильмы Төркиә менән бәйле, бейеүсе унда үҙ йорто, утрауы хаҡында хыялланған. Таҫма «Аҡ фил-2017» Кино белгестәре һәм тәнҡитселәре гильдияһы премияһының махсус бүләгенә лайыҡ булған.
Фильм Рудольф Нуриевты яҡындан белгән кешеләр менән интервьюларҙы, шулай уҡ элек күрһәтелмәгән архивтарҙан видеоларҙы үҙ эсенә ала. Кинотаҫма артистың һуңғы йылдарына тиклемге юлын күҙәтергә мөмкинлек бирә. Фильм тураһында тулыраҡ мәғлүмәтте «Бәйләнештә» селтәрендәге төркөмдә табырға мөмкин.
Таҫма 18 мартта киске сәғәт 5-тә Башҡортостандың Рәсәй Президенты ҡарамағындағы тулы хоҡуҡлы вәкиллегендә бушлай күрһәтелә. Унда фильмдың авторҙары ла саҡырылған. Адресы: Мәскәү, Доброслободская урамы, 6, 2-се йорт, («Бауманская» метро станцияһы).
«Башинформ» агентлығы хәбәр иткәнсә, бынан алдараҡ фильм Кинематографистарҙың үҙәк йортонда күрһәтелгәйне.
Читайте нас: