Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Мәҙәниәт
9 Март 2017, 09:57

Республика театрҙары Екатеринбургта «Коляда-Plays» Халыҡ-ара фестивалендә ҡатнашасаҡ

ӨФӨ, 2017 йыл, 9 март. /«Башинформ» мәғлүмәт агентлығы, Ләйлә Аралбаева/. Башҡортостан театрҙары Екатеринбургта «Коляда-Plays» Халыҡ-ара заманса драматургия фестивалендә ҡатнашасаҡ. Ошо хаҡта «Башҡортостандың мәҙәни донъяһы» порталы хәбәр итә. Сара 20-30 июндә ҡаланың театр майҙансыҡтарында уҙа.
Халыҡ-ара театр форумына һайлап алынған 32 спектакль араһында — «Троя хаҡында йыр. Бында һәм хәҙер» спектакле (Әнгизә Ишбулдинаның пьесаһы буйынса) — Башҡортостан Заманса режиссура һәм драматургия үҙәгенең проекты, «Күрше бүлмәләге Голливуд» спектакле (Екатерина Гузема) — «De Bufo» театры проекты. Туймазы ҡалаһының Татар дәүләт драма театры «Колбаса. Өҙөктәр» (Валерий Шергин) спектаклен тәҡдим итәсәк.
Фестиваль Рәсәй Федерацияһының атҡаҙанған сәнғәт эшмәкәре, «Коляда-Театр»ҙың художество етәксеһе, фестиваль авторы Николай Коляда етәкселегендә Рәсәй Театр эшмәкәрҙәре союзының Свердловск төбәк бүлексәһе ярҙамында ойошторола. Төп программала – спектаклдәрҙе ҡарау һәм махсус ойошторолған театр тәнҡитселәре коллегияһының асыҡ фекер алышыуы. Фестивалдә хәҙерге заман драматургтарының (йәш Урал драматургтары, «Евразия» конкурсы һәм Николай Коляда лауреаттары) пьесалары буйынса ҡуйылған һәм һуңғы өс театр миҙгелендә премьералары уҙған спектаклдәр ҡатнаша.
Фестивалдә тәүгә Румыния, Македония, Сербия һәм Венгрия театр коллективтары буласаҡ. Шулай уҡ Ижевск, Әлмәт, Архангельск, Астана, Ульяновск, Вологда, Воронеж, Мәскәү, Калининград, Силәбе, Екатеринбург, Нижневартовск, Әстрхан, Тольятти, Томск, Пермь, Чебоксар вәкилдәре киләсәк.
Автор:Ләйлә Аралбаева
Читайте нас в