Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Мәҙәниәт
6 Март 2017, 13:59

Өфөлә йәш нуриевсылар «Ҡар королеваһы» балалар балетын ҡуя

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2017 йыл, 6 март. /«Башинформ» мәғлүмәт агентлығы, Ләйлә Аралбаева/. Өфөлә йәш нуриевсылар «Ҡар королеваһы» балалар балетын ҡуя. Р. Нуриев исемендәге Башҡорт хореография колледжы тормошҡа ашырасаҡ проект Башҡортостан Башлығының 1,8 миллион һум күләмендәге грантын отто. Премьера Башҡорт дәүләт опера һәм балет сәхнәһендә 2017 йылдың ноябренә билдәләнгән.
«Әкиәт бик сағыу булмаҡсы, был — Григ музыкаһына ике акттан торған спектакль. Етмешкә яҡын уҡыусы, шул иҫәптән әҙерлек бүлеге тәрбиәләнеүселәре йәлеп ителә», — тип һөйләне колледж директоры Олия Вилданова.
Спектаклдең ҡуйыусы-балетмейстеры булып Рәсәйҙең атҡаҙанған сәнғәт эшмәкәре, Н.Римский-Корсаков исемендәге Санкт-Петербург консерваторияһы профессоры, балет режиссураһы кафедраһы мөдире Александр Полубенцев сығыш яһай. Ул балалар өсөн спектакль ҡуйыу йәһәтенән ҙур тәжрибәгә эйә. Хореограф 16 мартта уҡыу йортоноң отчет концерты өҫтөндә эшләү өсөн Өфөгә килә. Шулай уҡ ошо көндәрҙә уның менән балет ҡуйыу мәсьәләләрен тикшереү ҡаралған.
Декорациялар рәссам Фәниә Низамова етәкселегендә Башҡорт опера һәм балет театры цехтарында әҙерләнә. Костюмдарҙы иһә колледждың тегеү цехы оҫталары тегә. Яңы проекттың репетициялары август айында башлана.
Читайте нас: