Һуҡырҙар өсөн республика китапханаһында Салауат Низаметдиновҡа мемориаль мөйөш асылды

IMPORT Сервисный

ӨФӨ, 2017 йыл, 3 март. /«Башинформ» мәғлүмәт агентлығы, Ләйлә Аралбаева/. Өфөләге Һуҡырҙар өсөн республика китапханаһында Салауат Низаметдинов иҫтәлегенә мемориаль мөйөш булдырылған. Бөгөн, уның тыуыуына 60 йыл тулған көндә, Башҡортостанда композиторҙы иҫкә алыу акциялары ойошторола.

Бында үҙе уйнаған пианино, Вера Фролованың майлы буяу менән яһалған тәүге портреты, «Ай тотолған төндә» операһына Брайль шрифты менән тултырған нота дәфтәрҙәре ҡуйылған. Салауат Низаметдинов тураһында китаптар күргәҙмәһе асылған. Интернетта һәм китапхананың сайтында «Салауат Низаметдинов иҫтәлегенә» тигән мемориаль виртуаль китап күргәҙмәһе бар.

«Ул бөтә ижади ғүмере буйына һәм һуңғы көнөнә тиклем әүҙем уҡыусыбыҙ һәм китапхананың дуҫы булды. Классик әҫәрҙәр, йәш шағирҙарҙың шиғырҙарын уҡырға яратты, балалары өсөн мәктәп программаһында ҡаралған китаптар ала ине. Ул уҡыған осорҙа китапханасылар уҡыу материалдарын ҡысҡырып уҡый торғайны. Танылыу яулағас, уҡыусылар өсөн бында уның ижад кисәләре ойошторолдо. Йырҙары, симфоник оркестр өсөн әҫәрҙәре тауышлы вариантта нәшер ителгән», — тип һөйләнеләр һуҡырҙар өсөн китапханала.

2003 йылда китапхана һуҡыр композиторҙың ижадына арналған «Күтәрелеш» тигән тәүге электрон китап баҫтырып сығарҙы. Композиторҙың 50 йәшлек юбилейына «Маэстро-50» электрон тулы текслы биобиблиографик күрһәткес донъя күрҙе. Уҡыусы һәм композиторҙың артабанғы, 55 йәшлек юбилейы уңайынан китапханала «Һынмаған нота» күрһәткесе нәшер ителде. 2013 йылда Брайль шрифтында һәм тауышлы форматта С.Низаметдиновтың Виктория Симонова менән бергә яҙылған «Салауат. Асыҡтан-асыҡ һөйләү» исемле хәтирәләр китабы сыҡты.

#хәтер #салауат низаметдинов #һуҡырҙар өсөн китапхана

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.