Башҡортостандан йәш пианистка Владимир Спиваковтың хәйриә фондының исемле гранты лауреаты булды

ӨФӨ, 2017 йыл, 1 март. /«Башинформ» мәғлүмәт агентлығы, Ләйлә Аралбаева/. Башҡортостандан йәш пианистка Елена Колесникова Владимир Спиваковтың хәйриә фондының исемле гранты лауреаты булды. Елена — Урта махсус музыка колледжының унынсы класс уҡыусыһы. Йәш пианистка республиканың атҡаҙанған мәҙәниәт хеҙмәткәре Лилиә Валямова класында уҡый. Халыҡ-ара, Рәсәй һәм республика конкурстары лауреаты. Исемле грантҡа Еленаны Владимир Спиваковтың Башҡортостанда Йәштәрҙең һәләтен һәм һөнәри оҫталығын үҫтереүгә булышлыҡ итеү хәйриә фонды тәҡдим иткән.

Исемле гранттарҙы тапшырыу 1 мартта Мәскәүҙә Рус импрессионизмы музейында үтә, тип хәбәр иттеләр республика Мәҙәниәт министрлығының матбуғат хеҙмәтендә. Лауреаттар иҫәбендә — бөтә илдән дүрт йәш талант.

Маэстро фондты 1994 йылда йәш таланттарға ярҙам итеү маҡсатында ойошторған. Фонд 20 йылдан ашыу талантлы балаларға, музыканттарға ғына түгел, һәләттәрен үҫтерергә ярҙам итә. Фондтың ижади яҙмышлы тәрбиәләнеүселәре байтаҡ. Исемле гранттарҙы фонд программаларында иң әүҙем ҡатнашыусылар ала.