Башҡортостан һәм Өфө яңылыҡтары
90.99
+0.06
98.78
-0.12
83.96
+0.69
11+ °C
Болотло
Бөтә яңылыҡтар
Мәҙәниәт
14 Февраль 2017, 15:14

Фәйзи Ғәскәров исемендәге ансамблдең ил буйлап гастролдәре башланды

ӨФӨ, 2017 йыл, 14 февраль. /«Башинформ» мәғлүмәт агентлығы, Ләйлә Аралбаева/. Кисә Фәйзи Ғәскәров исемендәге дәүләт академия халыҡ бейеүҙәре ансамбленең Рәсәй буйлап гастролдәре башланды. Татарстандың Аҙнаҡай ҡалаһы гастроль турының тәүге пункты булды. Программаға ансамблдең алтын фондындағы иң яҡшы номерҙар, шулай уҡ Рәсәй һәм донъя халыҡтары бейеүҙәре ингән.
«Зал тамашасы менән шығырым тулы ине. Һәр сығыштан һуң артистарҙы көслө алҡыштарға күмделәр, бик оҙаҡ сәхнәнән ебәрмәнеләр. Быйылғы миҙгелдә «Бөркөткә һунар» бейеү-уйыны йәнә программаға индерелгән һәм тамашасыларҙың һөйөүен яулай», — тип һөйләне ансамблдең матбуғат секретары Элиза Сынбулатова.
Бөгөн гастролдәр Ҡазан филармонияһында дауам итә. 16 февралдә Мәскәүҙә, Чайковский исемендәге концерт залында ҙур концерт уҙа.
Читайте нас: