Баш ҡалала легендар балерина Зәйтүнә Насретдиноваға һәйкәл ҡуйыла

Ләйлә Аралбаева

ӨФӨ, 2017 йыл, 13 февраль. /«Башинформ» мәғлүмәт агентлығы, Ләйлә Аралбаева/. Өфөлә танылған балерина Зәйтүнә Насретдиноваға һәйкәл ҡуйыла. Билдәле журналист, «Башҡорт балетының гран‑паһы» («Гран-па башкирского балета») китабы авторы Нина Жиленко хәбәр итеүенсә, был сара Рудольф Нуриев исемендәге XXI Халыҡ-ара балет сәнғәте фестивале сиктәрендә уҙасаҡ. Хәтергә төшөрәбеҙ, фестиваль 23 майҙан 2 июнгә ҡәҙәр Өфөлә үтә. Премьераларҙың береһе – яңыртылған «Сыңрау торна» балеты.

Зәйтүнә Әғзәм ҡыҙы Насретдинова (1923 – 2009) – күренекле башҡорт балеринаһы, СССР-ҙың халыҡ артисы. Уның сәхнәлә тыуҙырған образдары араһында – Одетта һәм Одиллия, (П. Чайковскийҙың «Аҡҡош күле»), Никия (Л. Минкустың «Баядерка»һы), Жизель һәм Мирта (А. Адандың «Жизел»е), Китри (Л. Минкустың «Дон Кихот»ы), Аврора (П. Чайковскийҙың «Йоҡоға талған һылыу»ы), Франциска (И. Штраустың «Зәңгәр Дунай»ы), Эсмеральда (Ц. Пуниҙың «Эсмеральда»һы) һәм башҡалар. «Сыңрау торна» тәүге милли балетындағы Зәйтүнгөл образы улар араһында айырым урынды биләй. Балет авторҙары — либреттист Фәйзи Ғәскәров, композиторҙар Лев Степанов һәм Заһир Исмәғилев үҙҙәренең әҫәрен йәш һәм талантлы балеринаға арнай. Тап ошо балет һәм Насретдинованың оҫталығы XX быуаттың буласаҡ бөйөк бейеүсеһе Рудольф Нуриевҡа тәрән тәьҫир итеп, уның яҙмышын билдәләй.

Балет сәхнәһе йондоҙо Өфөнөң Көньяҡ зыяратында ерләнгән. Һуңғы йылдарҙа баш ҡаланың мәҙәни йәмәғәтселеге балерина ҡәберлегенең хәле хаҡында мәсьәләне күп тапҡыр күтәреп сыға. Ҡәбер һәйкәле идеяһының авторы – Башҡорт дәүләт опера һәм балет театры генераль директоры Илмар Әлмөхәмәтов, макетын дизайнер Буранбай Ишемғолов әҙерләгән. Проектты театр аҡсаһы иҫәбенә ғәмәлгә ашырыу күҙаллана.

#хәтер #балет #нуриев фестивале

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.